అనుష్క కొత్త చిత్రం ‘నిశ్శబ్దం’ పోస్టర్‌ రిలీజ్‌

0
167

తెలుగు, త‌మిళ్, ఇంగ్లీషు, హిందీ మరియు మ‌ల‌యాళం భాష‌ల్లో నిశ్శబ్దం అనే చిత్రాన్ని చేస్తున్నారు అనుష్క శెట్టి. తెలుగులో భాగమతి చిత్రం తరువాత మరే చిత్రాన్ని ఒప్పుకోని అనుష్క చాలా కాలం తరువాత ఈ బహుభాషా చిత్రానికి ఓకే చెప్పారు. ఇప్పటికే షూటింగ్‌ను శరవేగంగా పూర్తి చేసుకుంటున్న చిత్రయూనిట్‌ తాజాగా ఓ పోస్టర్‌ను రిలీజ్‌ చేశారు.

అనుష్క సినీ ఇండస్ట్రీలో అడుగుపెట్టి పద్నాలుగేళ్లు పూర్తైన సందర్భంగా ఈ పోస్టర్‌ను విడుదల చేశారు. ఈ మూవీ షూటింగ్‌ ఎక్కువ భాగం అమెరికాలో సియాటెల్‌లోజరగింది.. పోస్ట్‌ ప్రొడక్షన్‌ పనులు కూడా అక్కడే జరగనున్నాయి. తాజాగా విడుదల చేసిన పోస్టర్‌లో చేతి సైగలతో ఏదో చెప్పేందుకు ప్రయత్నిస్తున్నట్లు కనబడుతోంది. ఈ చిత్రంలో అనుష్క మూగ పాత్రలో నటిస్తున్న సంగతి తెలిసిందే. మాధవన్‌ ప్రత్యేకపాత్రలో నటస్తున్న ఈ చిత్రాన్ని భారీ ఎత్తున విడుదల చేసేందుకు ప్లాన్‌ చేస్తున్నారు. ప్ర‌ముఖ నిర్మాణ సంస్థ‌లు పీపుల్ మీడియా ఫ్యాక్ట‌రీ, కోన ఫిల్మ్ కార్పోరేష‌న్ సంయుక్తంగా నిర్మిస్తున్న ఈ చిత్రాన్ని హేమంత్‌ మధుకర్‌ తెరకెక్కిస్తున్నారు.

LEAVE A REPLY

Please enter your comment!
Please enter your name here