All posts by Bhargavi

Actor Raja Chembolu : డైరెక్టర్ తేజ నరకం చూపించాడు…: నటుడు రాజా చెంబోలు

Actor Raja Chembolu : ‘కేక’ సినిమాతో ఇండస్ట్రీకి పరిచయమైన హీరో రాజా చెంబోలు. పాటల రచయిత సిరివెన్నెల సీతారామశాస్త్రి గారి అబ్బాయిగా ఇండస్ట్రీలో అడుగుపెట్టిన రాజా చెంబోలు తేజ డైరెక్షన్ లో కేక సినిమాలో నటించాడు. ఆ సినిమా ఫ్లాప్ అయ్యాక నాలుగేళ్లు గ్యాప్ తీసుకున్న రాజా ‘ఫిదా’ సినిమాలో హీరో అన్నగా నటించాడు. హీరోగానే నటించాలనే నియమేమీ పెట్టుకోలేదంటూ చెప్పే రాజా తన సినిమా కెరీర్ గురించి తాజాగా ఒక ఇంటర్వ్యూలో పంచుకున్నారు.

తేజ నరకం చూపించాడు…

డైరెక్టర్ తేజ గురించి ఎవుడూ ఉన్న విమర్శ తనకు కావాల్సిన అవుట్ పుట్ రాకపోతే ఆర్టిస్టులను కొడతాడు. అలానే వారి మీద బాగా కోప్పడతాడు. ఇక రాజా చెంబోలు మొదటి సినిమా కేక సినిమాకు డైరెక్టర్ తేజ గారే. ఆ సినిమాలో నటించేటపుడు ఆయన వేరే ఏవో బయటి ఫ్రస్ట్రేషన్స్ అన్నీ ఆర్టిస్టులమీద చూపించేవాడు. సినిమా కమిట్ అయినందుకు పూర్తి చేశాను. సినిమా చేసేటప్పుడే అందులో ఓవర్ డ్రామా, ఎమోషన్స్ ఉన్నాయనిపించింది. అందుకే సినిమా ఫ్లాప్ అయింది.

ఆ సినిమాకు పిసి శ్రీరామ్ గారు పనిచేసారు. ఆయనతో కలిసి పనిచేసే అవకాశం అదృష్టం ఎవరికి రావాలి అందుకే సినిమా ఫలితం ఎలా ఉండబోతుందో తెలిసినా సినిమా చేశాను అంటూ రాజా తెలిపారు. ఇక సినిమాల పరంగా ఏదైనా సలహా తీసుకోవాలంటే త్రివిక్రమ్ గారిని అడుగుతా అంటూ చెప్పారు. ఫ్యామిలీ అయినందునే అవకాశం అడగను అంటూ త్రివిక్రమ్ గారి గురించి చెప్పారు. ఇక కొన్ని సినిమాల్లో కథ నచ్చినా ప్రొడ్యూసర్స్ ముందుకు రాకపోవడం వల్ల చేయలేకపోయాను, ఊహలు గుస గుస లాడే సినిమా అలాంటిదే అంటూ చెప్పారు రాజా చెంబోలు.

Vakkantham Vamsi : ఆ తప్పు వల్లే కిక్-2 సినిమా ఫ్లాప్ అయింది… సురేందర్ రెడ్డితో చాలా గొడవలు…: వక్కంతం వంశీ

Vakkantham Vamsi : తెలుగు సినీ అభిమానులకు రచయితగా, దర్శకుడిగా వక్కంతం వంశీ గురించి కొత్తగా పరిచయం అవసరం లేదు. ఈటీవీ లో మొదట వ్యాఖ్యతగా తన ప్రయాణాన్ని ప్రారంభించిన వంశీ 1996లో దాసరి నారాయణరావు దర్శకత్వంలో వచ్చిన కల్యాణ ప్రాప్తిరస్తు సినిమాలో హీరోగా నటించాడు. తరువాత కొన్ని సీరియల్స్ లో కూడా నటించాడు. ఇక ఎన్టీఆర్ హీరోగా సురేందర్ రెడ్డి దర్శకత్వంలో వచ్చిన అశోక్ సినిమాతో మొదటిసారి రచయితగా చేసాడు. తరువాత వచ్చిన కిక్ సినిమాతో మంచి పేరు సంపాదించుకున్నాడు. అల్లు అర్జున్ హీరోగా వచ్చిన నా పేరు సూర్య నా ఇల్లు ఇండియా సినిమాకు కథను అందించడమే కాకుండా దర్శకత్వం వహించారు. తన సినిమాల గురించిన కొన్ని ఆసక్తికర విషయాలు ఆయన పంచుకున్నారు.

ఆ రెండు తప్పుల వల్లే సినిమా ఫ్లాప్…

తను చేసన సినిమాల గురించి తన దర్శకులు, హీరోల గురించి చాలా విషయాలు చెప్పుకొచ్చిన వక్కంతం వంశీ గారు సురేందర్ రెడ్డి దర్శకత్వంలో వచ్చిన ‘కిక్ 2’ సినిమా గురించి చాలా ఆసక్తికర విషయాలు చెప్పుకొచ్చారు. కిక్ సినిమా ఎంతటి విజయం సాధించిందో మనకు తెలిసిందే, దాని సీక్వెల్ గా చాలా అంచనాల మధ్య వచ్చిన కిక్ 2 ఆశించినట్టుగా అలరించలేకపోయింది. సరిగా ఆడకపోవడానికి ఆ సినిమాను కిక్ సినిమాకి సీక్వెల్ అని చెప్పడం ప్రధాన కారణం అని వంశీ చెప్పుకొచ్చారు. రెండు కథలు వేరు వేరు అని, ఒక కథ అనుకోని దాన్ని అందరం సీక్వెల్ గా చూపించామని చెప్పారు. ఇక ఊరి జనాల ఎమోషన్ సరిగా చూపించకపోవడం రెండవ కారణం అని చెప్పుకొచ్చారు.

సురేందర్ రెడ్డితో చాలా సినిమాలు చేశానని, అందులో ‘ఏజెంట్’ సినిమా ఫ్లాప్ అవ్వడం చాలా బాధ వేసిందని చెప్పుకొచ్చారు. ఆ సినిమా కోసం అందరూ చాలా కష్టపడ్డారు కానీ అలా అవ్వడం చాలా బాధ వేసింది అని చెప్పుకొచ్చారు. ఇక సురేందర్ రెడ్డి గురించి చెబుతూ మొదట్లో ఇద్దరికీ కుదిరేది కాదు బాగా గొడవ అయ్యేది, తాను చాలా మొండిగా ఉండేవాడు అది చూసి నేను అలానే ఉండేవాన్ని. తరువాత చిన్నగా ఇద్దరికీ మంచి అవగాహన కుదిరింది. తనతో సినిమా చేసేటప్పుడు చాలా కంఫర్ట్ ఉంటుంది. ఒకవేళ సినిమా ఫ్లాప్ అయినా దానికి కారణం ఇద్దరం సమానంగా తీసుకుంటాం అని ఇద్దరి గురించి చెప్పారు.

Jabardasth Sathya Sree : శేఖర్ మాస్టర్ చెప్పింది అదే… ఆ పాట విషయంలో చెప్పింది ఒకటి… చేయించింది వేరు…: జబర్దస్త్ సత్య శ్రీ

Jabardasth Sathya Sree : జబర్దస్త్ లో మేల్ కమెడియన్స్ కి కొదవ లేదు కానీ ఫిమేల్ కమెడియన్ గా వచ్చి సత్య శ్రీ మంచి పేరు తెచ్చుకున్నారు. ఇంతకుముందు ఫిమేల్ కమెడియన్స్ కి బదులుగా లేడీ గెటప్ లతో కానిచ్చేవారు. నిజానికి లేడీ గెటప్ లకు మంచి క్రేజ్ ఉండేది. ఇక శాంతి స్వరూప్, వినోద్, పవన్, సాయి, హరి వంటి వారికి మంచి గుర్తింపు లేడీ గెటప్ వల్ల వచ్చింది. అలాంటి జబర్దస్త్ లో మొదటి సారి ఒక అమ్మాయి కమెడియన్ గా ఎంట్రీ ఇచ్చి ట్రెండ్ సెట్ చేసింది. జబర్దస్త్ వేదికపై మంచి నేమ్, ఫేమ్ సంపాదించుకున్న సత్య శ్రీ ప్రస్తుతం జబర్దస్త్ ను వీడి వేరే ఛానెల్స్ కి వెళ్ళిపోయింది అలాగే సినిమాల్లో నటిస్తూ కెరీర్ లో ముందుకు సాగుతోంది. అయితే తాజాగా హీరో నితిన్ కొత్త సినిమా ‘ఎక్స్ట్రా ఆర్డినరీ’లో ఒక సాంగ్ లో కనిపించి అందరికీ షాక్ ఇచ్చింది. ఇక ఆ సాంగ్ గురించిన విశేషాలను తాజాగా పంచుకున్నారు సత్య శ్రీ.

శేఖర్ మాస్టర్ అదే చెప్పారు… అక్కడికి వెళ్ళాక తెలిసింది…

నితిన్ కొత్త సినిమా ఎక్స్ట్రా ఆర్డినరీ లో ‘నా పెట్టి తాళం తెరిచి’ పాటలో చీర కట్టులో డాన్స్ చేసి అందరికీ షాక్ ఇచ్చింది సత్య. ఆ పాటకు కోరియోగ్రఫీ శేఖర్ మాస్టర్. ఆ సినిమాలో కానిస్టేబుల్ గా క్యారెక్టర్ ఆఫర్ రాగా ఒక సాంగ్ కూడా ఉంటుందని ముందే చెప్పారట కో డైరెక్టర్స్. ఇక షూటింగ్ కి వెళ్లేముందు అసలు సాంగ్ ఎలా ఉంటుంది అని వెతుకగా రికార్డింగ్ సాంగ్స్ లో వచ్చే ఆ డబల్ మీనింగ్ సాంగ్ విన్నప్పుడు ఈ పాటకు ఎలా డాన్స్ చేయాలి, నా కెరీర్ ఏంటి అనే ఆలోచనలో పడినా ఆల్రెడీ షూటింగ్ కి ఒప్పేసుకోవడం వల్ల చేయాలనుకున్నాను. ఇక షూటింగ్ వెళ్లినా ఎలా ఉంటుందో అని భయపడినా శేఖర్ మాస్టర్ నీ కెరీర్ కు ప్లస్ అవుతుంది ఆలోచించకు అని ధైర్యం చెప్పారు.

పాట ఫస్ట్ షార్ట్ నాతోనే మొదలవుతుంది. నాకు ఎక్స్ప్రెషన్స్ సరిగా రాకపోవడం వల్ల 15 టేకులు తీసుకోవాల్సి వచ్చింది. కానీ వక్కంతం వంశీ, శేఖర్ మాస్టర్ నితిన్ గారు నాకు ఓపిగ్గా చెప్పారు. వక్కంతం వంశీ ఈ పాటలో ఎక్స్ పోజింగ్ లాంటివి ఏవీ లేవు కేవలం పాట లిరిక్స్ అలా అనిపిస్తాయి కానీ మొత్తం షూట్ అయ్యాక చూడు ఈ పాట నీ కెరీర్ కు ప్లస్ అవుతుంది అని చెప్పారు అంటూ సత్య శ్రీ చెప్పారు. ఇక పాట షూటింగ్ అయ్యాక చూస్తే సాంగ్ అనుకున్నది ఒకటి అక్కడ ఇంకోలా ఉంటుంది, అది సాంగ్ విన్నప్పుడు కంటే చూస్తే బాగా తెలుస్తుంది. అపుడే నాకు అర్థమైంది ఈ పాట నా కెరీర్ కి ప్లస్ అవుతుంది అని అంటూ సత్య శ్రీ వివరించారు.

Vakkantham Vamsi : జూ. ఎన్టీఆర్ తో గొడవలు… సినిమా ఆగిపోవడానికి కారణం ఇదే…: వక్కంతం వంశీ

Vakkantham Vamsi : దాసరి నారాయణరావు దర్శకత్వంలో 1996లో వచ్చిన ‘కళ్యాణ ప్రాప్తిరస్తు’ సినిమా ద్వారా హీరోగా పరిచయం అయిన వక్కంతం వంశీ రచయితగా దర్శకుడిగా మనందరికీ సుపరిచితమే. ఈటీవీ లో వ్యాఖ్యతగా మొదటిసారి తన ప్రయాణాన్ని మొదలుపెట్టిన వంశీ సీరియల్స్ లో కూడా నటించారు. ఎన్టీఆర్ హీరోగా వచ్చిన ‘అశోక్’ సినిమాకు కథను అందించి రచయితగా మారారు. ‘కిక్’ సినిమాతో రచయితగా మంచి పేరు తెచ్చుకున్న వంశీ అల్లు అర్జున్ హీరోగా వచ్చిన ‘నా పేరు సూర్య నా ఇల్లు ఇండియా’ సినిమాతో దర్శకుడిగా మారాడు. తన సినీ ప్రయాణంలో జరిగిన చాలా విషయాలను వంశీ ఒక ఇంటర్వ్యూలో చెప్పుకొచ్చారు.

జూ. ఎన్టీఆర్ తో సినిమా ఆగిపోవడానికి కారణం…

వక్కంతం వంశీకి జూ. ఎన్టీఆర్ తో మంచి అనుబంధం ఉన్న సంగతి తెలిసిందే. దీని గురించి వంశీ కూడా చాలా సార్లు చెప్పుకొచ్చారు. చిరంజీవి తన అభిమాన నటుడని, వ్యక్తిగత జీవిత ప్రయాణంలో తాను ఎక్కువగా అభిమానించే వ్యక్తి తారక్ అని వంశీ చెప్పుకొచ్చారు. తను ఎలాంటి పరిస్థితిలో ఉన్నా ఎన్టీఆర్ గురించి ఆలోచించగానే చిరునవ్వు తెలియకుండానే వచ్చేస్తుందని చెబుతూ ఎన్టీఆర్ మీద తనకున్న అభిమానాన్ని తెలియజేసారు. కెమెరా ముందు ఎన్టీఆర్ ని చూడగానే ఇప్పటివరకు నాతో గంటలు గంటలు మాట్లాడిన వ్యక్తేనా అని ఆశ్చర్యం వేస్తుందని చెప్పుకొచ్చారు.

నేను ఎన్టీఆర్ కలసి సినిమా చేయాలనుకుని అది పట్టాలెక్కకపోవడంతో అందరూ చాలా రకాలుగా మాట్లాడారని, ఇద్దరి మధ్య గొడవలు వచ్చాయని అన్నారని, కానీ అవేవి నిజం కాదని చెప్పారు. ఆ సినిమా కుదరకపోవడానికి కారణం ఇద్దరూ అనుకున్నట్లుగా కథ కుదరకపోవడమే. కథ సెట్ అవ్వట్లేదని, బడ్జెట్ పెరిగిపోతుందేమోనని ఒకటి ఇలా చాలా కారణాలు ఉన్నాయి. సరే ఇది కుదరట్లేదు నేను మరో సినిమా చేసుకొని వస్థానని పక్కకు రావడం జరిగిందే కానీ వేరే కారణాలు లేవని ఆయన చెప్పారు. అయితే నాకు చిరంజీవి గారితో సినిమా చేయాలని ఉందని, రెండు మూడు సార్లు ప్రయత్నం కూడా చేసినా కుదరలేదని చెప్పుకొచ్చారు.

Vakkantham Vamsi : కిక్, ఎవడు సినిమాలు కాపీ కొట్టా అన్నారు… రేసు గుర్రం సినిమా కథలో కొత్తదనం ఏమీ లేదు…: వక్కంతం వంశీ

Vakkantham Vamsi : తెలుగు సినీ అభిమానులకు రచయితగా, దర్శకుడిగా వక్కంతం వంశీ గురించి కొత్తగా పరిచయం అవసరం లేదు. ఈటీవీలో మొదట వ్యాఖ్యతగా తన ప్రయాణాన్ని ప్రారంభించిన వంశీ 1996లో దాసరి నారాయణరావు దర్శకత్వంలో వచ్చిన ‘కల్యాణ ప్రాప్తిరస్తు’ సినిమాలో హీరోగా నటించాడు. తరువాత కొన్ని సీరియల్స్ లో కూడా నటించాడు. ఇక ఎన్టీఆర్ హీరోగా సురేందర్ రెడ్డి దర్శకత్వంలో వచ్చిన ‘అశోక్’ సినిమాతో మొదటిసారి రచయితగా చేసాడు. తరువాత వచ్చిన ‘కిక్’ సినిమాతో మంచి పేరు సంపాదించుకున్నాడు. అల్లు అర్జున్ హీరోగా వచ్చిన ‘నా పేరు సూర్య నా ఇల్లు ఇండియా’ సినిమాకు కథను అందించడమే కాకుండా దర్శకత్వం వహించారు. తన సినిమాల గురించిన కొన్ని ఆసక్తికర విషయాలు ఆయన పంచుకున్నారు.

నా సినిమా కథలని కాపీ కొట్టాను అన్నారు…

వక్కంతం వంశీ చాలా సినిమాలకు కథలు అందించినా, చాలా దర్శకుల దగ్గర చేసినప్పటికీ ఎక్కువగా సురేందర్ రెడ్డి సినిమాలకు కథలను అందించడం విశేషం. వక్కంతం వంశీ మొదట్లో తన కథల మీద చాలా విమర్శలు వచ్చేవని, ఇంగ్లీష్ సినిమా కథలను పోలి ఉంటాయని అనేవారని, మొదట్లో అది కొంచం బాధించినా తరువాత వదిలేశానని ఆయన చెప్పారు. ఇక కిక్ సినిమా కథను జెంటిల్ మాన్, ధూమ్ సినిమా కథలను పోలి ఉందని కూడా అన్నారు. ఎవడు సినిమా కూడా ఇంగ్లీష్ సినిమా కథను కాపీ కొట్టానని అన్నారు.

నేను ఏ కథనూ కాపీ కొట్టలేదు, ఇప్పుడు నేను కొత్తగా చెప్పి నిరూపించలేను. ధూమ్ సినిమాను చూసి జెంటిల్ మాన్ సినిమా అనికూడా అనుకోవచ్చు. కొత్తగా కథలను ఎవరూ సృష్టించలేరు కదా, ప్రపంచంలో ఎక్కడో ఒకచోట ఉన్నవే మనం ఊహించగలం అని చెప్పుకొచ్చారు. ఇక రేసు గుర్రం సినిమా గురించి మాట్లాడుతూ అది అసలు కొత్త కథ కాదు, నేనేదో అద్భుతం ఊహించి రాసినది కాదు, మనందరికీ తెలిసిన అన్నదమ్ముల కథ. కానీ ఆ కథను నేను చెప్పిన విధానం కొత్తగా ఉంది అంతే అని చెప్పుకొచ్చారు.

Analyst Damu Balaji : జగన్ ఒక చేతకాని సీఎం… రూటు మార్చిన శ్రీరెడ్డి… కారణం అదే…: అనలిస్ట్ దాము బాలాజీ

Analyst Damu Balaji : తెలుగులో శ్రీ రెడ్డి అంటే తెలియని వాళ్ళు ఉండరు. సినిమాల్లో కనిపించకపోయినా సినిమా ఇండస్ట్రీలో క్యాస్టింగ్ కౌచ్ గురించి మాట్లాడుతూ ట్రెండింగ్ లో ఉంటోంది. ఈమె ఏ సెలబ్రిటీ గురించి ఏం మాట్లాడుతుందో అన్న భయం సినిమా ప్రముఖుల్లో మొదలైంది. క్యాస్టింగ్ కౌచ్ గురించి ఈమె ఏకంగా ఫిలిం ఛాంబర్ ముందు అర్ధనగ్న ప్రదర్శన చేసి దేశవ్యాప్తంగా సంచలనం అయ్యింది. గత కొన్నిరోజులుగా శ్రీ రెడ్డి తన మకాం హైదరాబాద్ నుండి తమిళనాడుకి మార్చేసింది. ఈమధ్యనే ఒక వీడియోలో తాను ఎందుకు హైదరాబాద్ వదిలి చెన్నై వెళ్లాల్సి వచ్చిందో కూడా చెప్పింది. ఇక్కడ ఇండస్ట్రీలోని పెద్ద కుటుంబాల వాళ్ళు తనకు అవకాశాలు రాకుండా అడ్డుకుంటున్నారని ఆరోపించింది. సినిమాల్లో కానీ టీవీ రంగంలో కానీ ఎక్కడా తనకు అవకాశాలు రాకుండా అడ్డుకుంటూ ఉండటంతో చెన్నై వెళ్లి యూట్యూబ్ ఛానల్ ద్వారా సంపాదించుకుంటున్నానని చెప్పింది. ఇక ఈ మధ్యనే మళ్ళీ తెలుగు సోషల్మీడియాలో ఎక్కువగా ఆక్టివ్ గా ఉంటూ వైసీపీ పార్టీ తరుపున ప్రచారంను నెత్తిన వేసుకుంది. అయితే తాజాగా శ్రీరెడ్డి జగన్ మీద చేసిన వాఖ్యలు వైరల్ అవుతున్నాయి. ఈ ఇష్యూ గురించి అనలిస్ట్ దాము బాలాజీ మాట్లాడారు.

జగన్ చేతకాని సీఎం…

తాజాగా వచ్చిన మించోంగ్ తుఫాను కారణంగా పంట నష్టపోయిన రైతులను, ప్రజలతో మాట్లాడటానికి వెళ్లిన సీఎం జగన్ అక్కడ వారి నుండి దూరంగా బ్యారికేడ్లను అడ్డుగా ఉంచి మాట్లాడటం బాగా వైరల్ అయింది. ఈ ఇష్యూ మీద ఇప్పటికే ప్రతిపక్షం అయిన టీడీపీ విమర్శలను కూడా చేసింది. అయితే తాజాగా శ్రీరెడ్డి వీడియో ఒకటి వైరల్ అవుతోంది. అందులో పంజరంలో ఉండి కాదు బయట జనంలోకి వచ్చి మాట్లాడు అంటూ చెప్పిన మాటలను ఇపుడు వైసీపీకి వ్యతిరేకంగా ఉన్నవాళ్లందరూ సీఎం జగన్ కి ఆ మాటలను ఆపాదిస్తున్నారు.

నిజానికి ఆ వీడియోలో శ్రీరెడ్డి ఎక్కడా జగన్ పేరు ప్రస్థావించలేదు. పైగా అది కొత్త వీడియో కాకపోవడం గమనర్హం అంటూ బాలాజీ తెలిపారు. నిజానికి శ్రీరెడ్డి తాజాగా కూడా వైసీపీ కి సపోర్ట్ చెస్తున్న వీడియోలను చేస్తోంది. అయితే ఎప్పుడో మాట్లాడిన పాత వీడియోని మళ్ళీ కొంతమంది వైరల్ చేస్తూ దాన్ని జగన్ కి రిలేట్ చేస్తున్నారని బాలాజీ అభిప్రాయాపడ్డారు. ఆర్టిఫిషియల్ ఇంటెలిజెన్స్ వచ్చాక డీప్ ఫేక్ వీడియోలు ఎక్కువవడం వల్ల నిజమేదో ఫేక్ ఏదో తెలుసుకోలేక పోతున్నామని బాలాజీ అభిప్రాయపడ్డారు.

IAS Amrapali : స్మిత అవుట్.. ఆమ్రపాలి ఇన్… సీఎం రేవంత్ కొత్త నిర్ణయం…!

IAS Amrapali : తెలంగాణ రాష్ట్రంలో కొత్త సర్కార్ ఏర్పడ్డాక సీఎం పేషిలో ఇంతకు ముందు వారినే కొనసాగిస్తారా లేక కొత్త సివిల్ సర్వంట్స్ ను రేవంత్ రెడ్డి తీసుకుంటారా అనే అంశంలో ఇంకా క్లారిటీ రాకపోయినా మాజీ సీఎంకి పనిచేసిన స్మిత సభర్వాల్ ఇప్పటి వరకు కొత్త సీఎంను మర్యాదపూర్వకంగా కలవకపోవడం, డెప్యూటేషన్ మీద ఉన్న ఆమ్రపాలి మర్యాదపూర్వకంగా వచ్చి కలవడంతో నయా సీఎం పేషి నుండి స్మిత అవుట్ ఆమ్రపాలి ఇన్ అన్నట్లుగా వార్తలు వినిపిస్తున్నాయి.

సీఎమ్ఓ సెక్రెటరీగా ఆమ్రపాలి…?

మాజీ సీఎం కెసిఆర్ ఉన్నపుడు సీఎంఓ సెక్రెటరీగా స్మిత సభర్వాల్ పనిచేయగా రేవంతబరెడ్డి గారు సీఎం అయ్యాక ఆమె వచ్చి కలవకపోవడం అందరినీ ఆశ్చర్యానికి గురిచేసింది. ఇక ఆమెను బదిలీ చేస్తారనే ఆమె సీఎంను వచ్చి కలవలేదనే వార్తలు వినిపించాయి. ఇక తాజాగా 2010 బ్యాచ్ ఐఏఎస్ అధికారిని కాటా ఆమ్రపాలి తాజాగా రేవంత్ రెడ్డి గారిని మర్యాదపూర్వకంగా కలవడంయతో సీఎం పేషిలోకి ఆమెను తీసుకుంటారనే చర్చలు మొదలయ్యాయి. ఆంధ్రప్రదేశ్ క్యాడర్ కి చెందిన ఆమ్రపాలి విభజన తరువాత వరంగల్ కలెక్టర్ గా పనిచేసారు.

ఆపైన గ్రేటర్ హైదరాబాద్ మున్సిపల్ కార్పొరేషన్ అలాగే గతంలో తెలంగాణ ఎన్నికల అధికారిగా కూడా పనిచేసిన ఆమ్రపాలి పిఎంఓ నుండి పిలుపు రావడంతో అక్కడికి డెప్యూటేషన్ మీద వెళ్లారు. తాజాగా డెప్యూటేషన్ పూర్తి చేసుకున్న ఆమె తెలంగాణ రాష్ట్రంలో మళ్ళీ పనిచేయడానికి వచ్చారు. అలా కొత్త సీఎం రేవంత్ రెడ్డిని మర్యాదపూర్వకంగా పలకరించారు. అయితే ఆమ్రపాలి ఎక్కడ పనిచేసినా తన మార్కు పనితనం చూపించి మంచి పేరు తెచ్చుకున్నారు.

Roshan Kanakala : అమ్మ నాన్న విడాకులు… అత్త నన్ను ఎలా చూసుకునేవారు అంటే…: రోషన్ కనకాల

Roshan Kanakala : యాంకర్ సుమ, రాజీవ్ కనకాల వారసుడిగా రోషన్ కనకాల చలన చిత్ర పరిశ్రమకు పరిచయం అవుతున్న సంగతి తెలిసిందే. రవికాంత్ దర్శకత్వంలో వస్తున్న ‘బబుల్‌గమ్’ సినిమా ద్వారా హీరోగా పరిచయం కాబోతున్నాడు. ఇప్పటికే ఈ సినిమా పోస్టర్ ను రాజమౌళి గారు విడుదల చేయగా, హీరో నానీ టీజర్ ను విడుదల చేశారు. హీరోగా రోషన్ ప్రేక్షకుల ముందుకు రాబోతున్నా ఇప్పటికే నిర్మలా కాన్వెంట్, నాగ శౌర్య హీరోగా వచ్చిన ఒక మనసు సినిమాల ద్వారా తెర మీద కనిపించారు. ప్రస్తుతం రోషన్ బబుల్‌గమ్ సినిమా ప్రమోషన్లలో చురుకుగా పాల్గొంటున్నాడు.

అమ్మ నాన్న విడాకుల గురించి వారినే…

యాంకర్ సుమ, రాజీవ్ కనకాల విడాకుల గురించి దాదాపు గత రెండేళ్లుగా సోషల్ మీడియాలో కథనాలు వస్తున్న విషయం తెలిసిందే. అయితే ఈ విషయం గురించి ఒక షోలో రోషన్ ను ప్రశ్నించగా ఆ వార్తను చూసి నేను కూడా ఆశ్చర్యపోయానని, ఇంట్లో నా కళ్ళ ముందే హ్యాపీగా ఉన్న వాళ్ళ గురించి విడాకులు తీసుకుంటున్నారు అని ఫోన్లో చూసి ఏంటిది ఇలా రాశారు అని డైరెక్ట్ గా వాళ్లనే ఒకసారి ఏంటి మీరు విడాకులు తీసుకుంటున్నారా అని అడిగానని, అందుకు వాళ్ళు అలాంటివి మామూలే పట్టించుకోకు అని అన్నారని చెప్పుకొచ్చారు.

ఇక రాజీవ్ కనకాల ఆయన సోదరి అయిన శ్రీలక్ష్మి కనకాల మధ్య మంచి అనుబంధం ఉండేది. శ్రీలక్ష్మి మరణం తరువాత చాలా సందర్భాలలో భావొద్వేగానికి లోనైన సంగతి తెలిసిందే. తన అత్త గారితో రోషన్ కు ఉన్న అనుబంధం గురించి చెబుతూ, తాను చిన్నప్పుడు ఇంకా అత్తకు పిల్లలు లేరని తనని చాలా గారాబం చేసేదని, తనకు పాప అంటే ఇష్టం కావడంతో తనను ఆలా రెడీ చేసేదని చెప్పారు. ఇక వారి మామ తనను బైక్ మీద తిప్పేవారని, ఇద్దరూ తనని బయటకు తీసుకెళ్ళేవారని చెప్పారు. వారికి పిల్లలు పుట్టాక కూడా నన్ను బాగా చూసుకునే వారని వారితో అనుబంధం గురించి గుర్తు చేసుకున్నారు.

Kosaraju Adithya : 25 వేలు అడిగితే 5 వేలు చేతిలో పెట్టారు… అనుష్క రోజూ ఏనుగుతో మాట్లాడేది…: కోసరాజు ఆదిత్య

Kosaraju Adithya : సీనియర్ ఆర్టిస్ట్ గా, ఎన్నో సినిమాలలో సీరియల్స్ లలో నటించిన కోసరాజు ఆదిత్య మనందరికీ సుపరిచితమే. అయితే బాహుబలి సినిమాలో రాజగురువు పాత్రలో ఎక్కువగా అందరికీ గుర్తుండిపోయాడు. నటుడుగానే కాకుండా డబ్బింగ్ ఆర్టిస్ట్ గా కూడా ఆదిత్య గారు తనదైన ముద్ర వేసుకున్నారు. తన ముప్పైరెండేళ్ల సినీ ప్రయాణంలో చాలా సినిమాలలో సీరియల్స్ లో నటించినప్పటికీ ఎక్కువగా పంతులు పాత్రలే పోషించడం విశేషం.

రోజూ ఏనుగుతో అనుష్క ముచ్చట్లు…

ఇన్ని సంవత్సరాల తన సినీ ప్రయాణం గురించి, తన గురించి, బాహుబలి సినిమా సమయంలో తన అనుభవాల గురించి కోసరాజు ఆదిత్య గారు చాలా విషయాలు తెలియజేసారు. బాహుబలి సినిమా చేయటం తన అదృష్టం అని అయితే 25 వేలు రెమ్యూనరేషన్ అడిగితే రోజుకు 5 వేలు మాత్రమే ఇచ్చారు అని చెప్పుకొచ్చారు. కానీ తన పాత్ర చాలా చిన్నది అనుకున్నా కానీ చాలా బాగా ఉందని, డబ్బుల గురించి ఆలోచించలేదని, రాజమౌళి లాంటి దర్శకుడితో అలాంటి నటీనటులతో పనిచేస్తే చాలు అనుకున్నాను అని తెలియజేసారు.

ఇక అనుష్క గురించి చెబుతూ చాలా మంచి అమ్మాయి అని, సెట్లో అందరినీ పేరు పేరునా పలకరిస్తుందని, తన పుట్టిన రోజు అయితే సెట్లో ఎంత మంది ఉన్నా అందరికీ భోజనం పెడుతుందని చెప్పుకొచ్చారు. బాహుబలి సినిమా సెట్లో లక్ష్మి అనే ఏనుగు ఉండేదని, అనుష్క కి తనకి మంచి అనుబంధం ఉండేదని చెప్పారు. అనుష్క ఎంత దూరంలో ఉన్నా తను రాగానే ఆ ఏనుగు శబ్దంతో పలకరించేదని, ఇద్దరూ మాట్లాడుకునే వారని చెప్పారు. ఇక అనుష్క ఏనుగు తొండాన్ని గట్టిగా పట్టుకుంటే 5 నుండి 10 నిమిషాల వరకు కదలకుండా ఉండేదని చెప్పారు. ఇక ఏనుగు కోసం అనుష్క రోజూ అరిటి పళ్ళు దానికి కావలసిన ఆహారం తెచ్చేదని, వారిద్దరి అనుబంధం చూడటానికి బాగుండేదని చెప్పారు. ఇక రమ్యకృష్ణ గారి గురించి చెబుతూ చాలా హుందాగా ఉండేవారని, అపుడప్పుడు నాతో తమిళంలో మాట్లాడే వారని తన అనుభవాలను చెప్పుకొచ్చారు.

IT Minister Sridhar Babu: కేటిఆర్ కి ధీటుగా దుద్ధిల్ల శ్రీధర్ బాబు… క్రికెటట్ ప్లేయర్, లాయర్ ఇప్పుడు ఐటీ మినిస్టర్…

IT Minister Sridhar Babu: తెలంగాణ ఎన్నికల నేపథ్యం, బీఆర్‌ఎస్‌ ఓటమి, రేవంత్ రెడ్డి ముఖ్యమంత్రిగా ప్రమాణ స్వీకారం తర్వాత ప్రజలు ఎక్కువగా చర్చించుకున్న విషయాలలో ఒకటి తరువాత ఐటీ మినిస్టర్‌ ఎవరు అని. ఐటీ మినిస్టర్ గా కేటిఆర్ తనదైన ముద్ర వేసుకున్నారు. ఐటీ ఉద్యోగుల నుండి ఆయన లేకపోవడం లోటుగానే ఉంటుందన్న వాదనలు కూడా వినిపించాయి. అయితే కేటీర్ కి ధీటుగా ఆ స్థానంలోకి అందరూ ముందు నుండి ఊహించినట్టుగానే కాంగ్రెస్ ప్రభుత్వం దుద్ధిల్ల శ్రీధర్ బాబుని ఐటీ, పరిశ్రమలు, శాసనసభ వ్యవహారాల శాఖలు అప్పగించడం జరిగింది.

ఆల్ రౌండర్ శ్రీధర్ బాబు…

దుద్దిల్ల శ్రీధర్ బాబు 1969 మార్చి 30న ప్రముఖ కాంగ్రెస్ నేత అయిన మాజీ శాసనసభ స్పీకర్ దుద్దిల్ల శ్రీపాద రావు, జయమ్మలకు జన్మించారు. ఢిల్లీ విశ్వవిద్యాలయంలో న్యాయవాద విద్యను అభ్యసించి ఆంధ్రప్రదేశ్ హైకోర్టులో 1998లో న్యాయవాద వృత్తిని చేపట్టారు. తన తండ్రి మరణంతో అనుకోకుండా రాజకీయాల్లోకి వచ్చిన శ్రీధర్ బాబు 1999లో కాంగ్రెస్ అభ్యర్థిగా గెలిచారు. అంతే కాకుండా రాష్ట్ర విభజనకు ముందు ఉమ్మడి ఆంధ్రప్రదేశ్ ప్రభుత్వంలో పౌర సరఫరాలు, వినియోగదారుల వ్యవహారాలు, లీగల్ మెట్రాలజీ, శాసన వ్యవహారాల మంత్రిగా బాధ్యతలు నిర్వర్తించారు.

ఉమ్మడి కరీంనగర్ జిల్లా మంథని నుండి వరుసగా నాలుగు సార్లు గెలుపొందిన పీవీ నరసింహరావు గారి రికార్డును తిరగరాస్తూ అయిదు సార్లు ఎమ్మెల్యేగా గెలుపొంది చరిత్ర సృష్టించారు. ఈయన గురించిన మరో ఆసక్తికర విషయం ఏంటంటే నిజాం కళాశాలలో చదివేటప్పుడు హైదరాబాద్ విశ్వవిద్యాలయానికి క్రికెట్‌లో ప్రాతినిధ్యం కూడా వహించారు. ఇలా అన్నింట్లో ఆల్ రౌండర్ గా ఉండి, మంచి నాయకుడిగా కూడా నిరూపించుకున్న శ్రీధర్ బాబు ఐటీ మంత్రిగా కూడా రాణిస్తారని అందరూ కోరుకుంటున్నారు.