Producer M.S. Raju : నేను ఇబ్బందుల్లో ఉన్నపుడు ప్రభాస్, మహేష్ రాలేదని…: నిర్మాత ఎంఎస్ రాజు

0
279

Producer M.S. Raju : దేవి, వర్షం, ఒక్కడు, నువ్వొస్తానంటే నేనోద్ధాంటానా వంటి వరుస హిట్లతో వరుస ఫిల్మ్ ఫేర్ అవార్డులు అందుకున్న నిర్మాత ఎంఎస్ రాజు గారు సుమంత్ ఆర్ట్ ప్రొడక్షన్స్ ద్వారా అభిరుచి గల నిర్మాత. ఆయన బ్యానర్ లో సినిమా అంటే కచ్చితంగా కథ బాగుంటుంది అనేంతలా ఆయన మార్క్ వేసుకున్నారు. వరుస సక్సెస్ లు చూసిన ఎంఎస్ రాజు గారు ఆ తరువాత వరుస ఫ్లాప్స్ అందుకుని ప్రస్తుతం చిన్న సినిమాలను తీస్తున్నారు. ఇక డైరెక్టర్ గా మారి ‘డర్టీ హరి’ అనే బోల్డ్ అటెంప్ట్ చేసిన ఎంఎస్ రాజు గారు ఇటీవల కొడుకు సుమంత్ అశ్విన్ హీరోగా ‘సెవెన్ డేస్ సిక్స్ నైట్స్’ సినిమాకు దర్శకత్వం వహించారు. ప్రస్తుతం చిన్న సినిమాలకు పరిమితమైన ఎంఎస్ రాజు గారు ఆయన అనుభవాలను ఇటీవల పలు ఇంటర్యూలలో పంచుకున్నారు.

ఇబ్బందుల్లో వాళ్ళు పట్టించుకోలేదని…

ఏంఎస్ రాజు గారు ఒకప్పుడు వరుసగా సక్సెస్ చూసిన నిర్మాత. అయితే రామ్ పోతినేనితో ‘మస్కా’ సినిమా చేసాక సినిమాలకు విరామం ఇవ్వాలని నిర్ణయం తీసుకున్నారు. తనకు నచ్చిన కథలను మాత్రమే చేయాలని భావించి చాలా ఏళ్ళు గ్యాప్ తీసుకున్న ఆయన ఆ తరువాత మళ్ళీ కొన్ని సినిమాలను చేస్తున్నా పెద్దగా సక్సెస్ కాలేదు. ఆ విషయం గురించి మాట్లాడుతూ ఇబ్బందుల్లో ఉన్నపుడు నేను సినిమాలలు తీసి సూపర్ స్టార్లను చేసిన హీరోలు రాలేదా సహాయం చేయలేదా అని అడుగుతుంటారు.

ఇబ్బందులంటే ఏమిటి.. డబ్బు లేకపోవడమా లేక సినిమాలు చేయకపోవడమో తెలియదు కానీ ఎవరైనా ఎందుకు నాకు సహాయం చేయాలి. ప్రభాస్, మహేష్ లను నేనేమీ సూపర్ స్టార్లను చేయలేదు ఆ క్రెడిట్ నేను తీసుకుంటే ఎలా అది తప్పు అంటూ అభిప్రాయాపడ్డారు. ఈ సినిమా ప్రయాణంలో ఒడిదుడుకులు అన్నీ చూసాను, ఈ జర్నీని ఎంజాయ్ చేస్తున్నాను అంటూ తెలిపారు.