Ravi Prakash: రవి ప్రకాష్ పరిచయం అవసరం లేని పేరు ఒక సాధారణ రిపోర్టర్ గా ఉన్నటువంటి ఈయన ఏకంగా టీవీ9 న్యూస్ ఛానల్ స్థాపించి ఒక సంచలనం సృష్టించారు. ఇలా టీవీ9 ఛానల్ ద్వారా ఎప్పటికప్పుడు వార్తా సమాచారాన్ని ప్రేక్షకులకు అందుబాటులోకి తీసుకువచ్చారు. ఇక టీవీ9 ప్రేరణగా తీసుకొని ఎన్నో న్యూస్ చానల్స్ అందుబాటులోకి వచ్చాయి.
రవి ప్రకాష్ టీవీ9 సీఈఓగా దేశవ్యాప్తంగా టీవీ9 సేవలను విస్తరిస్తూ దూసుకెళ్తున్న సమయంలో ఒక ఫోర్జరీ కేసు ఆయన మెడకు బిగుసుకుంది. ఈ ఫోర్జరీ కేసు కారణంగా రవి ప్రకాష్ జైలు పాలు కావడం అనంతరం బెయిల్ పై విడుదలైనప్పటికీ ఈయన అజ్ఞాతంలోనే ఉండిపోయారు.అయితే తాజాగా ఈయనకు సంబంధించిన ఓ వార్త సోషల్ మీడియాలో వైరల్ గా మారింది.
బిజెపి నేత సుజనా చౌదరి కూడా ఇటీవల కాలంలో అరెస్ట్ అయిన విషయం తెలిసిందే.ఈయన కూడా బెయిల్ పై బయటకు రావడంతో కొన్ని కంపెనీల నుంచి తన ఇన్వెస్ట్మెంట్ ను రద్దు చేసుకున్నారని సమాచారం. అయితే ఆ లాభాలతో సరికొత్త న్యూస్ ఛానల్ ప్రారంభించాలనే ఆలోచన చేసినట్టు తెలుస్తుంది.
Ravi Prakash: సుజనా అండతో న్యూస్ ఛానల్ ప్రారంభించనున్న రవి ప్రకాష్….
ఈ క్రమంలోనే టీవీ9 రవి ప్రకాష్ తో కలిసి ఈయన మరొక న్యూస్ ఛానల్ ప్రారంభించడానికి ఏర్పాట్లు చేస్తున్నారట. అయితే ఈ న్యూస్ ఛానల్ వచ్చే ఎన్నికలలోపు ప్రారంభించాలని ఈ న్యూస్ ఛానల్ ప్రారంభించడానికి అదే అనువైన సమయం అని భావించినట్టు తెలుస్తోంది.ఇలా రవి ప్రకాష్ ద్వారా సరికొత్త న్యూస్ ఛానల్ ప్రారంభిస్తే తెలుగు రాష్ట్రాలలో ఇది ఒక సంచలనమే అని చెప్పాలి. అయితే ఈ విషయంలో ఎంతవరకు నిజం ఉందో తెలియాల్సి ఉంది.