Senior Actor Murali Mohan : ‘జగమే మాయ’ సినిమాతో ఇండస్ట్రీకి పరిచయమైన మురళీ మోహన్ గారు ఆ సినిమా తరువాత వరుసగా హీరోగా అవకాశాలు అందుకుని ఆ తరువాత క్యారెక్టర్ ఆర్టిస్ట్ గాను ఎన్నో సినిమాలలో నటించారు. సినిమాల్లో నటిస్తూనే మరో వైపు సినిమా నిర్మాణంలోనూ అడుగుపెట్టిన ఆయన పలు సినిమాలను నిర్మించారు. అలాగే రాజకీయాల్లో కూడా తనదైన ముద్ర వేసుకున్న మురళీ మోహన్ గారు తాజగా ఆస్కార్ అవార్డు అందుకున్న ట్రిపుల్ ఆర్ సినిమా గురించి మాట్లాడారు.
రాజమౌళి ఆర్టిస్టులకు కండిషన్స్ పెడతారు…
రాజమౌళి తాను అనుకున్నట్లు సినిమా రావడానికి చాలా కష్టపడుతాడని అందుకోసం రెండు మూడేళ్ళైనా ఎదురుచూస్తుంటాడు అంటూ చెప్పారు. అందుకే ఆయన దగ్గర పనిచేసే ఆర్టిస్టులు, టెక్నీషియన్స్ కూడా రెండు మూడేళ్లు కాల్ షీట్స్ ఇచ్చేయాలని ముందే చెబుతాడు. తన సినిమా కోసం అంత కస్టపడుతాడు కాబట్టే రాజమౌళి సినిమాలు అంత సక్సెస్ అవుతున్నాయి. తాను ఒక సీన్ నచ్చకపోయినా తాను అనుకున్నట్లు రాకపోయినా నెలలు కష్టపడి తాను అనుకున్న అవుట్ పుట్ వచ్చే దాకా కష్టపడి ఆర్టిస్టులను కష్టపెడతాడు.
తనతో పాటే ఆ సినిమా మీదనే పనిచేయాలని ఆర్టిస్టులకు రాజమౌళి సినిమా మొదలు పెట్టే సమయంలోనే కండిషన్స్ పెడతాడు అంటూ మురళీ మోహన్ అభిప్రాయపడ్డారు. ఆర్ఆర్ఆర్ చాలా బాగా ఉందని, ఎన్టీఆర్, రామ్ చరణ్ చాలా బాగా నటించారని ఈ సినిమా తరువాత మల్టీ స్టారర్ సినిమాలు చాలా తెలుగులో రావాలని కోరుకుంటున్నట్లు తెలిపారు.
