ప్రస్తుత కాలంలో కొన్ని పెళ్లిళ్లలో ఎన్నో హాస్యాస్పద సంఘటనలు చోటు చేసుకుంటున్నాయి. ఇలాంటి సంఘటనలకు సంబంధించిన వీడియోలు క్షణాల్లో వైరల్ గా మారుతుంటాయి. తాజాగా పెళ్లిలో ఇలాంటి ఒక హాస్యాస్పద సంఘటనకు సంబంధించిన ఓ వీడియో సోషల్ మీడియాలో వైరల్ గా మారి ఎంతోమంది నెటిజన్లను ఆకట్టుకుంది.
సాధారణంగా పెళ్లిళ్లు అన్ని సక్రమంగా జరుగుతాయి అన్న గ్యారెంటీ లేదు. కొన్ని పెళ్లిళ్లు మనస్పర్థల కారణంగా ఆగిపోతే,మరికొన్ని పెళ్లిళ్లు వివిధ కారణాల చేత ఆగిపోతూ ఉంటాయి. అయితే ఈ పెళ్లి మాత్రం అన్ని పెళ్లిళ్ల కంటే ఎంతో విభిన్న కారణం చేత ఆగిపోయింది. అప్పటివరకు పెళ్లి పీటలపై ఎంతో బుద్ధిగా కూర్చున్న వధువు ఒక్కసారిగా వింతగా ప్రవర్తించడంతో వరుడు పెళ్లి పీటల నుంచి పరుగులు పెట్టాడు.
పెళ్లి పీటల పై కూర్చున్న వధువుకు వరుడు సింధూరం పెట్టగానే వధువు గట్టిగా అరుపులు అరుస్తూ కిందపడి పోయింది. దీంతో తనకు ఏమైందోనని భయపడిన వరుడు మెడలో వేసుకున్న దండలను అక్కడే విసిరి అక్కడి నుంచి పరుగులు పెట్టాడు. ఈ క్రమంలోనే వేదికపై ఉన్న ఓ మహిళ వరుడిని ఆపాలని ప్రయత్నించిన అతడు అక్కడి నుంచి వెళ్ళిపోయాడు.
ఈ వింత ఘటనకు సంబంధించిన వీడియోను నిరంజన్ మహాపాత్ర తన ఇంస్టాగ్రామ్ పేజ్ ద్వారా పోస్ట్ చేశారు. క్షణాలలో ఈ వీడియో వైరల్ గా మారి ఎంతోమంది నెటిజన్లను ఆకట్టుకుంది. ఈ వీడియో చూసిన నెటిజన్లు తమదైన శైలిలో కామెంట్లు చేస్తున్నారు. మరి ఇంకెందుకు ఆలస్యం వెంటనే ఈ వీడియోపై మీరు ఓ లుక్కేయండి.