గ్యాస్ సిలిండర్ ను వినియోగించే వాళ్లకు ఇండేన్ గ్యాస్ అదిరిపోయే శుభవార్త చెప్పింది. మిస్డ్ కాల్ ఇస్తే గ్యాస్ సిలిండర్ ను బుకింగ్ చేసుకునే అవకాశం కల్పిస్తోంది. ‘ 84549 55555 ’ నంబర్ కు మిస్డ్ కాల్ ఇవ్వడం ద్వారా ఇండేన్ గ్యాస్ కస్టమర్లు సులభంగా గ్యాస్ సిలిండర్ ను బుకింగ్ చేసుకునే అవకాశం ఉంటుంది. ఇండేన్ గ్యాస్ కంపెనీ కొత్త సర్వీసులను ప్రవేశపెట్టడంతో గ్యాస్ సిలిండర్ యూజర్లకు ప్రయోజనం చేకూరనుంది.

మిస్డ్ కాల్ ద్వారా గ్యాస్ సిలిండర్ ను బుకింగ్ చేయడం ద్వారా ఏ మాత్రం ఇబ్బంది పడకుండా సులువుగా సిలిండర్ ను బుకింగ్ చేయవచ్చు. అదే సమయంలో ఎటువంటి కాల్ ఛార్జీలు చెల్లించాల్సిన అవసరం ఉండదు. అయితే రిజిష్టర్డ్ మొబైల్ నంబర్ నుంచి గ్యాస్ సిలిండర్ ను బుకింగ్ చేసుకుంటే మాత్రమే ఈ సర్వీసులను పొందే అవకాశం ఉంటుంది. ఇండేన్ గ్యాస్ నిర్ణయం వల్ల గ్రామీణ ప్రాంతాల్లో నివశించే వారికి, సీనియర్ సిటిజన్స్ కు ప్రయోజనం చేకూరనుంది.

అయితే ప్రస్తుతం ఇండేన్ గ్యాస్ కస్టమర్లు మాత్రమే ఈ సర్వీసులను ఉపయోగించుకునే అవకాశం ఉండగా ఇతర గ్యాస్ కంపెనీలు సైతం త్వరలో ఈ సర్వీసులను ప్రవేశపెట్టే అవకాశాలు ఉన్నాయి. ప్రస్తుతం ఇండేన్ గ్యాస్ కంపెనీ భువనేశ్వర్ లో ఈ సర్వీసులను అమలు చేస్తుండగా త్వరలో దేశంలోని ఇతర ప్రాంతాల్లో సైతం ఈ సర్వీసులు అందుబాటులోకి వచ్చే అవకాశాలు ఉన్నాయి.

నిన్న ఒక ప్రకటనలో భాగంగా ఇండేన్ గ్యాస్ కంపెనీ ఈ విషయాన్ని వెల్లడించింది. వినియోగదారుల సౌకర్యార్థం ఈ సర్వీసులను అందుబాటులోకి తెచ్చినట్టు ఇండేన్ గ్యాస్ కంపెనీ ప్రకటించింది.