సాధారణంగా సినిమా ఇండస్ట్రీలో ఒక సినిమా హిట్ కావాలంటే తప్పనిసరిగా పబ్లిసిటీ ఎంతో అవసరం. పబ్లిసిటీ లేకపోతే ఆ సినిమా అంటూ ఒకటి ఉంటుందని ఎవరికీ తెలియదు. ఈక్రమంలోనే పెద్ద పెద్ద స్టార్ సినిమాలు పెద్ద ఎత్తున ప్రమోషన్ కార్యక్రమాలను నిర్వహించుకుంటాయి. ఇక చిన్న సినిమాల సంగతి ప్రత్యేకంగా చెప్పాల్సిన పని లేదు. ఈ సినిమాలలో ఏదైనా కాంట్రవర్సి వస్తే తప్ప ఈ సినిమాల గురించి చాలామందికి తెలియదు.

ఈ విధంగా కాంట్రవర్సీలు ద్వారా పెద్దయెత్తున పబ్లిసిటీ జరిగిన సినిమాలు ఇది వరకు ఎన్నో ఉన్నాయి. తాజాగా ఈ జాబితాలోకి మరొక సినిమా వచ్చి చేరింది.”ఇప్పుడు కాక ఇంకెప్పుడు”అనే సినిమా ఒకటి ఉందని చాలామందికి తెలియదు.అయితే ప్రస్తుతం ఈ సినిమా మాత్రం సోషల్ మీడియాలో తెగ కాంట్రవర్సీలకు కారణమైంది. ఇప్పుడు కాక ఇంకెప్పుడు సినిమాలో చాలా సన్నివేశాలు హిందూ మతాన్ని దెబ్బతీసే విధంగా ఉన్న అంటూ పలువురు ఆరోపణలు వ్యక్తం చేశారు.

ఇప్పటికే విడుదలైన టీజర్ లు హిందువుల మనోభావాలను దెబ్బతీసే విధంగా సన్నివేశాలను తెరకెక్కించారని ఈ క్రమంలోనే ఈ సినిమాపై ఉన్నట్లు సోషల్ మీడియాలో పెద్ద ఎత్తున వార్తలు చక్కర్లు కొడుతున్నాయి. తాజాగా ఈ సినిమా విషయంపై బీజేపీ యువనేత యామిని సాధినేని కూడా స్పందించారు.

ఈ సినిమాలోని పాటలు, సన్నివేశాలు, డైలాగులు హిందూ మతాన్ని కించపరిచే విధంగా ఉన్నాయంటూ బీజేపీ నేత ఆరోపించారు.యుగంధర్ అనే కొత్త దర్శకుడు తెరకెక్కించిన ఈ సినిమాను ఆగస్టు 6న విడుదల చేయడానికి ఏర్పాట్లు పూర్తి చేశారు. ఈ క్రమంలోనే విడుదల చేసిన ట్రైలర్ పలు వివాదాలకు కారణం అయింది. ట్రైలర్ లో భాగంగా శృంగార సన్నివేశాలు వస్తున్న సమయంలో ఆదిశంకరాచార్యుల వారి భజగోవిందమనే బ్యాక్ గ్రౌండ్ స్కోర్ వాడుకోవడంతో ఇది పలు వివాదాలకు కారణమవుతోంది. ఈ విషయమై తాను సినిమా పై కేసు వేస్తానని యామిని ట్వీట్ చేయడంతో ఈ విషయం కాస్తా మరింత వైరల్ గా మారింది. ఈ క్రమంలోనే దర్శకుడు యుగంధర్ క్షమాపణ చెప్పినట్టు తెలుస్తోంది.