ప్రస్తుతం పెళ్లి చేసుకోవాలంటే అమ్మాయిలు అబ్బాయిలను వెతకడం కోసం ఎన్నో మ్యారేజ్ బ్యూరో లు వచ్చాయి. అదేవిధంగా మ్యారేజ్ బ్రోకర్లు కూడా పెద్ద ఎత్తున వివాహ సంబంధాలను తీసుకువస్తున్నారు. ఈ క్రమంలోనే ఓ యువకుడు పెళ్లి చేసుకోవాలని భావించి ఒక బ్రోకర్ ని సంప్రదించాడు. అతడు చూపించిన కొన్ని ఫోటోలలో ఒక అమ్మాయి అందానికి ముగ్ధుడై, ఆ అమ్మాయిని పెళ్లి చేసుకోవాలని నిర్ణయించుకొని హుటాహుటిన పెళ్లి చేసుకున్నాడు. కానీ పెళ్లి చేసుకున్న మూడు రోజులకే ఆ పెళ్లి కొడుకు దిమ్మతిరిగే కౌంటర్ ఇచ్చింది ఆ భార్య. పూర్తి వివరాలలోకి వెళితే…

రాజస్థాన్ లోని కోట జిల్లా, కునాడి ప్రాంతానికి చెందిన రవి అనే యువకుడు పెళ్లి కోసం ఓ మ్యారేజ్ బ్రోకర్ ని సంప్రదించాడు.ఈ క్రమంలోనే అతను ఓ అందమైన యువతి ఫోటో చూయించడంతో ఆ అమ్మాయిని చేసుకోవడానికి రవి ఎంతో ఇష్టపడ్డాడు.అయితే ఆ అమ్మాయికి కేవలం ఒక అన్న సోనూ మాత్రమే ఉన్నాడని, పెళ్లి చేసుకోవాలంటే అతనిని సంప్రదించాలని చెప్పడంతో వీరిరువురు ఒక హోటల్లో కలిశారు.

ఈ క్రమంలోనే యువతి కోమల్, సోదరుడు తన చెల్లికి ఏ విధమైనటువంటి కట్నకానుకలు సమర్పించుకోలేనని చెప్పడంతో ఆమె అందానికి ముగ్ధుడైన రవి కట్నకానుకలు లేకపోయినా తనని వివాహం చేసుకోవడం తనకు ఇష్టమని తెలిపాడు. ఈ క్రమంలోనే వారిరువురికి ఒక ఆలయంలో పెళ్లి జరిగింది. అయితే పెళ్లి అయిన మూడు రోజులకే కోమల్ ఇంట్లో నగలు డబ్బును తీసుకొని కనిపించకపోవడంతో రవి పోలీసులకు ఫిర్యాదు చేశాడు. కేసును నమోదు చేసుకున్న పోలీసులు రంగంలోకి దిగారు.

ఈ క్రమంలోనే మ్యారేజ్ బ్రోకర్ ను అదుపులోకి తీసుకొని విచారించగా అసలు విషయం బయటపడింది. ఈ క్రమంలోనే బ్రోకర్ కోమల్,సోనూ అన్నా చెల్లెలు కాదని,వారిద్దరూ భార్యాభర్తలనే విషయం చెప్పడంతో రవి కంగుతిన్నాడు. ఈ క్రమంలోనే పోలీసులు వారిద్దరినీ అదుపులోకి తీసుకొని విచారణ జరుపుతున్నారు.