Pawan Kalyan: సినీ నటుడు పవన్ కళ్యాణ్ ఇండస్ట్రీలో ఎంతో మంచి సక్సెస్ అందుకున్నారు. చిరంజీవి తమ్ముడుగా ఇండస్ట్రీలోకి అడుగుపెట్టిన ఈయన తన నటనతో పెద్ద ఎత్తున ప్రేక్షకులను మెప్పించి నటుడిగా ఎంతో మంచి గుర్తింపు పొందారు ఇక పవన్ కళ్యాణ్ చేసింది చాలా తక్కువ సినిమాలే అయినప్పటికీ ఈయన మాత్రం విపరీతమైన ఫ్యాన్ ఫాలోయింగ్ సొంతం చేసుకున్నారు. ఇకపోతే పవన్ కళ్యాణ్ రాజకీయాల పరంగా కూడా ఎంతో ఆసక్తిని కనపరుస్తూ రాజకీయాలలోకి అడుగుపెట్టిన విషయం తెలిసిందే.

రాజకీయాలపై ఉన్న ఆసక్తితో జనసేన పార్టీని స్థాపించిన పవన్ కళ్యాణ్ ఇటీవల ఎన్నికలలో భారీ విజయాన్ని సొంతం చేసుకొని ఆంధ్రప్రదేశ్ డిప్యూటీ సీఎం గా బాధ్యతలను నిర్వహిస్తున్నారు అయితే ఈయన రాజకీయ ప్రస్థానం కేవలం ఆంధ్రప్రదేశ్ లో మాత్రమే కాకుండా దేశవ్యాప్తంగా రాజకీయాలలో సంచలనంగా మారిన సంగతి తెలిసిందే.

ఇదిలా ఉండగా తాజాగా నాని రానా హోస్ట్ గా వ్యవహరిస్తున్న ది రానా దగ్గుబాటి టాక్ షో అనే కార్యక్రమంలో పాల్గొన్నారు. ఈ కార్యక్రమంలో భాగంగా పవన్ కళ్యాణ్ గురించి ప్రస్తావనకు రావడంతో పవన్ గురించి నాని చేసిన కామెంట్స్ సోషల్ మీడియాలో వైరల్ అవుతున్నాయి. పవన్ కళ్యాణ్ ఎన్నికలలో పోటీ చేస్తున్న సమయంలో పవన్ కళ్యాణ్ కు మద్దతుగా నిలిచిన వారిలో నాని కూడా ఒకరు.

ఈయన పవన్ కళ్యాణ్ గెలుపును కోరుతూ సోషల్ మీడియా వేదికగా ఆయనకు మద్దతు తెలియజేశారు. ఇక తాజాగా పవన్ రాజకీయాల గురించి మాట్లాడుతూ పవన్ కళ్యాణ్ గారు కేవలం సినిమా ఇండస్ట్రీలో మాత్రమే కాదు రాజకీయాలలో కూడా ఆయన పవర్ స్టార్ అంటూ కామెంట్లు చేశారు. ఇలా సినిమాలలో మాత్రమే కాకుండా రాజకీయాలలో కూడా ఈయన ఎంతోమందికి స్ఫూర్తిగా నిలిచారని నాని తెలిపారు.

Pawan Kalyan: సూపర్ స్టార్..

ఇక నాని వ్యాఖ్యలపై రానా కూడా స్పందిస్తూ పవన్ నిజంగానే రాజకీయాలలో సూపర్ స్టార్ అని ఎంతో కష్టపడి రాజకీయాలలో ఈ స్థాయికి చేరుకున్నారని తెలియజేశారు. ప్రస్తుతం రాజకీయాలు కూడా సినిమాల మాదిరిగానే ఉన్నాయంటూ రానా తన అభిప్రాయాన్ని వ్యక్తం చేశారు.

Nagarjuna: ప్రస్తుతం సోషల్ మీడియాలో ఎక్కడ చూసినా నాగచైతన్య శోభిత పెళ్లి గురించి వార్తలు చక్కర్లు కొడుతున్నాయి.సమంతను ప్రేమించి పెళ్లి చేసుకున్న నాగచైతన్య ఆమెకు విడాకులు ఇవ్వడంతో తిరిగి శోభిత ప్రేమలో పడ్డారు. ఇక డిసెంబర్ 4వ తేదీ శోభిత నాగచైతన్య వివాహం జరగబోతోంది. ఇప్పటికే వీరి పెళ్లికి సంబంధించిన అన్ని ఏర్పాట్లు కూడా ఎంతో ఘనంగా జరిగాయి. వీరి వివాహం అన్నపూర్ణ స్టూడియోలో జరగబోతున్న సంగతి తెలిసిందే.

ఇక అన్నపూర్ణ స్టూడియోలో వీరి పెళ్లికి సంబంధించిన ఏర్పాట్లు అన్నీ కూడా జరుగుతున్నాయని తెలుస్తోంది. ఇదిలా ఉండగా తాజాగా నటుడు నాగార్జున ఇటీవల ఒక ఆంగ్ల మీడియా ఇంటర్వ్యూలో పాల్గొని నాగచైతన్య శోభిత పెళ్లి గురించి ఆసక్తికరమైన విషయాలను వెల్లడించారు. ఈ సందర్భంగా నాగార్జున వీరి పెళ్లి గురించి మాట్లాడుతూ..

నాగచైతన్య శోభిత వివాహాన్ని ఘనంగా జరిపించాలని చెప్పాను కానీ వాళ్ళిద్దరూ సింపుల్ గానే చేసుకోవాలని కోరడంతో వారి ఇష్ట ప్రకారమే సింపుల్గా ఏర్పాటన్ని చేయిస్తున్నానని తెలిపారు. ఇక వీరిద్దరి పెళ్లి అన్నపూర్ణ స్టూడియోలో జరగడం చాలా ఆనందంగా ఉంది. అది మాకు స్టూడియో మాత్రమే కాదు ఇంటితో సమానం అక్కడ నాన్న ఆశీస్సులు ఎల్లవేళలా ఉంటాయి. అలాంటి చోట వీరిద్దరి పెళ్లి చేస్తే వారి జీవితం సంతోషంగా ఉంటుందని భావించి అన్నపూర్ణ స్టూడియోని వీరి పెళ్లి వేదికగా మార్చామని నాగార్జున తెలిపారు.

Nagarjuna: సాంప్రదాయంగా..

ఇక శోభిత నాగచైతన్య పెళ్లి విషయంలో శోభిత ఫ్యామిలీ మమ్మల్ని ఒకే ఒక్క విషయం కోరింది. వీరి వివాహం హిందూ సాంప్రదాయ పద్ధతిలోనే జరగాలని కోరారు. మిగిలినది మీ ఇష్టం ఎలాగైనా చేసుకోండి అని చెప్పారు నేను కూడా ఇలా మంత్రోచ్ఛారణల మద్య వీరి వివాహం జరిపించాలని నిర్ణయం తీసుకున్నానని అలాంటి వివాహం మనసుకు కూడా ఎంతో ప్రశాంతత కలిగిస్తుందని అందుకే వీరి వివాహం హిందూ సంప్రదాయ పద్ధతిలో జరగబోతుందని నాగార్జున తెలియజేశారు.

Keerthy Suresh: సినీనటి కీర్తి సురేష్ వివాహం జరగబోతోంది అంటూ గత మూడు రోజులుగా సోషల్ మీడియాలో ఓ వార్త చెక్కర్లు కొడుతుంది. నేను శైలజ అనే సినిమా ద్వారా తెలుగు ప్రేక్షకులకు పరిచయమైన ఈమె ప్రస్తుతం తెలుగు తమిళ హిందీ భాష చిత్రాలలో నటిస్తూ హీరోయిన్ గా ఎంతో బిజీగా ఉన్నారు. ఇలా కెరియర్ పరంగా బిజీగా ఉన్న కీర్తి సురేష్ పెళ్లి చేసుకోబోతోంది అంటూ గత కొద్దిరోజులుగా ఎన్నో వార్తలు వినిపించాయి.

ఈ విధంగా కీర్తి సురేష్ గురించి ఇలాంటి వార్తలు వస్తున్న తరుణంలో ఆమె ఈ వార్తలపై స్పందించి ఈ వార్తలను ఖండించారు. ఒకానొక సమయంలో కీర్తి సురేష్ తండ్రి కూడా ఈ వార్తలను తోసిపుచ్చారు. కీర్తి సురేష్ పెళ్లి గురించి వస్తున్న వార్తలలో నిజం లేదని ఒకవేళ అలా తన పెళ్లి చేసుకుంటే కనుక ముందుగా ఈ విషయాన్ని నేనే మీకు తెలియజేస్తానని తెలిపారు.

అప్పటినుంచి ఈ వార్తలకు కాస్త పులి స్టాప్ పడినా, గత మూడు రోజులుగా ఈ పెళ్లి గురించి మరోసారి వార్తలు హల్చల్ చేస్తున్నాయి. ఈ క్రమంలోనే ఈ పెళ్లి వార్తలపై కీర్తి సురేష్ తండ్రి స్పందించారు. ఈ సందర్భంగా నిర్మాత సురేష్ మాట్లాడుతూ కీర్తి సురేష్ వివాహం తనకు 15 సంవత్సరాలుగా పరిచయం ఉన్నటువంటి ఆంటోని తట్టిల్ తో డిసెంబర్ నెల 11వ తేదీ గోవాలోని ఒక రిసార్ట్ లో జరగబోతుందని తెలిపారు.

Keerthy Suresh:

ఈ విధంగా ఈయన తన కుమార్తె పెళ్లి గురించి అధికారకంగా ప్రకటించడంతో అభిమానులు సంతోషం వ్యక్తం చేస్తూ కీర్తి సురేష్ కు శుభాకాంక్షలు తెలియజేస్తున్నారు. అదేవిధంగా కీర్తి ఆంటోని ఫోటోలను సోషల్ మీడియా వేదికగా వైరల్ చేస్తున్నారు. ఇక ఆంటోనీ ప్రముఖ వ్యాపారవేత్తగా ఎంతో మంచి గుర్తింపు సొంతం చేసుకున్నారు.