Actor Suman: టాలీవుడ్ ఇండస్ట్రీలో గత నాలుగు దశాబ్దాల క్రితం అగ్ర హీరోగా ఎన్నో అద్భుతమైన సినిమాలలో నటిస్తూ మెగాస్టార్ చిరంజీవికి పోటీగా నిలిచిన వారిలో సుమన్ ఒకరు. మెగాస్టార్ చిరంజీవికి పోటీగా ఈయన సినిమాలలో నటిస్తూ ఇండస్ట్రీలో ఎంతో పేరు ప్రఖ్యాతలు సంపాదించుకున్నారు. అయితే కొన్ని కారణాల వల్ల సుమన్ తన కెరియర్ ను కోల్పోవలసి వచ్చింది.ఇలా ఇండస్ట్రీకి కొంతకాలం పాటు దూరమైన అనంతరం పలు సినిమాలలో సహాయ నటుడిగా చేస్తూ బిజీగా ఉన్నారు.
ఇకపోతే ఈ మధ్యకాలంలో యూట్యూబ్ ఛానల్స్ వారి వ్యవహారం కాస్త శృతి మించిందని చెప్పాలి. తమ ఛానల్ వ్యూస్ కోసం ఏకంగా బ్రతికున్న వారిని కూడా చంపేస్తున్నారు. బ్రతికున్న నటీనటులను చనిపోయారంటూ థంబ్ నెయిల్స్ పెడుతూ తమ ఛానల్ వ్యూస్ పెంచుకుంటున్నారు. ఈ క్రమంలోనే నటుడు సుమన్ ఆరోగ్య పరిస్థితి విషమంగా ఉందని ఆయన చనిపోయారంటూ ఉత్తరాది రాష్ట్రాలకు చెందిన కొన్ని యూట్యూబ్ ఛానల్స్ పెద్ద ఎత్తున ప్రచారం చేశాయి.
ఈ క్రమంలోనే ఈ వార్తలు వైరల్ కావడంతో సుమన్ అభిమానుల సైతం ఎంతో ఆందోళన వ్యక్తం చేశారు.ఇక ప్రస్తుతం బెంగళూరులో ఓ సినిమా షూటింగ్లో పాల్గొన్న సుమన్ కి సన్నిహితుల ద్వారా ఈ విషయం తెలియడంతో ఈయన ఏకంగా ప్రెస్ నోట్ విడుదల చేశారు.ఈ సందర్భంగా సుమన్ మాట్లాడుతూ అభిమానులు ఎవరు ఆందోళన చెందాల్సిన పనిలేదని తాను ఆరోగ్యంగా క్షేమంగా ఉన్నానని వెల్లడించారు.
Actor Suman: క్షేమంగా ఉన్నానని తెలిపిన సుమన్…
ఇలా తన ఆరోగ్య పరిస్థితి గురించి తాను మరణించానంటూ ప్రచారం చేస్తున్నటువంటి యూట్యూబ్ ఛానల్ లపై ఈయన ఆగ్రహం వ్యక్తం చేస్తూ.. ఆ చానల్ పై పరువు నష్టం దావా వేయనున్నట్లు పేర్కొన్నారు. తాను క్షేమంగా ఉన్నప్పటికీ వారి స్వలాభం కోసం ఈ విధమైనటువంటి అసత్య వార్తలను ప్రచారం చేయడం భావ్యం కాదని ఈయన మండిపడుతూ సదరు చానల్ పై పరువు నష్టం దావా వేస్తున్నట్లు ప్రకటించారు.ఇలా సుమన్ ఈ విషయ పై స్పందించి తాను క్షేమంగా ఉన్నానని చెప్పడంతో అభిమానులు ఒక్క సారిగా ఊపిరి పీల్చుకున్నారు.