Bigg News: ముస్లింలను బహిష్కరిస్తున్నామంటూ.. కొందరు వ్యక్తులు ప్రమాణం చేస్తున్నట్టు ఓ వీడియో బయటకు వచ్చింది. ముస్లింల నుండి ఏమీ కొనబోమని.. వారికి ఏమీ అమ్మబోమని ప్రతిజ్ఞ తీసుకున్నట్లుగా.. వాళ్లు హిందీలో మాట్లాడుతుండటం ఆ వీడియోలో ఉంది. ఆ వీడియోపై ఛత్తీస్‌గఢ్ పోలీసులు విచారిస్తున్నారు. పూర్తి వివరాలిలా ఉన్నాయి.

ఛత్తీస్‌గఢ్ లోని సర్గూజా జిల్లాలోని ఓ గ్రామస్థులు ఈ వీడియోలు ఉన్నారు. ‘‘మేము హిందువులమైన ముస్లిం దుకాణదారుడి నుండి ఏ వస్తువును కొనకూడదని .. వాటిని విక్రయించబోమని ప్రతిజ్ఞ చేస్తున్నాము. ముస్లింలకు మా భూములను విక్రయించడం లేదా లీజుకు ఇవ్వడం లేదని మేము ప్రతిజ్ఞ చేస్తున్నాము.

ఎవరైనా తమ భూమిని విక్రయించినా, లీజుకు ఇచ్చినా తిరిగి తీసుకుంటాం. వారి కోసం కూలీలుగా పని చేయబోమని మేము ప్రతిజ్ఞ చేస్తున్నాము, ”అని గ్రామస్థులు తెలిపారు. అంతే కాదు.. తాము తమ మతాన్ని నిర్ధారించుకున్న తర్వాత మాత్రమే మా గ్రామాలకు వెళ్లేందుకు అనుమతిస్తామన్నారు. ఆ వీడియో ఇప్పుడు సోషల్ మీడియాలో వైరల్ గా మారింది.

ఆ గొడవలో ఉన్న హిందూ యువకులు..

సర్గుజా రేంజ్ ఇన్‌స్పెక్టర్ జనరల్ (ఐజి) అజయ్ కుమార్ యాదవ్ ఈ విషయంపై దర్యాప్తు చేసి.. ఇటువంటి వాటిని ప్రేరేపించిన వారిపై కేసు నమోదు చేయాలని పోలీసు బృందాన్ని ఆదేశించినట్లు తెలుస్తోంది. ఈ ఘటనలో ఏ రాజకీయ పార్టీ లేదా మత సంస్థ ప్రమేయం లేదని ఆయన తెలిపారు. ఈ నెల ప్రారంభంలో హిందూ , ముస్లిం వర్గాలకు చెందిన అబ్బాయిల గుంపు మధ్య ఘర్షణ జరిగింది. ఈ ఘర్షణ అనంతరం నిందితులపై కేసు నమోదు చేసి జైలుకు పంపించారు. దీంతో ఆ గొడవలో ఉన్న హిందూ యువకులు తమ గ్రామస్థులను సమావేశపరిచి ప్రమాణం చేయించారని ఐజి యాదవ్ చెప్పారు. ఇక స్థానిక ఎస్పీ, డీఎస్పీలను గ్రామానికి పంపించి.. వాళ్లను శాంతింపచేయిస్తున్నామని.. ఐజి యాదవ్ తెలిపారు. ఇక ఆ వీడియోపై విచారణ ప్రారంభించామన్నారు. జనవరి 6న పోలీసులు వీడియోను పట్టుకుున్నారని.. దానిపై వెంటనే దర్యాప్తు ప్రారంభించామని జిల్లా పోలీసు సూపరింటెండెంట్ (ఎస్పీ) అమిత్ కాంబ్లే తెలిపారు.