పురాణాల్లో యుద్దాల సమయంలో ఒకరినొకుకు ఆధిపత్య పోరు కోసం కొట్టుకున్న సంఘటనలు చూశాం. అంతే కాకుండా టీవీల్లో కనిపించే డిస్కవరీ ఛానల్ లాంటి వాటిల్లో సింహాలు, పాములు కొట్లాడం కూడా చూశాం. అయితే అప్పుడపపుడు కొన్ని పోరాట దృశ్యాలు చూస్తే ఇలా కూడా జరుగుతుందా అనిపిస్తుంది.
అందులో భాగంగా.. పెంపుడు జంతువులు పోరాడుతుంటే అవి చూడటానికి ముచ్చటగా ఉంటుంది. తాజాగా రెండు పెంపుడు జింకలు కొమ్ములు పైకెత్తి రెండు కాళ్లమీద నిల్చొని ఒకదానితో ఒకటి చేస్తున్న ఫైటింగ్ చూస్తుంటే ఓ రేంజ్ లో అనిపిస్తుంది. దీనిని జింకలు పెంచుకునే యజమాని వీడియో తీసి సోషల్ మీడియాలో పోస్ట్ చేయగా దానిని నెటిజన్లు తెగ చూసేస్తున్నారు.
జింకల పోరాటం ఎంతో ఆహ్లాదం కలిగిస్తున్న ఈ ఘటనఅమెరికాలోని టెక్సాస్ లోని సోమర్‌ విల్లే లేక్‌లో జరిగింది. అసలు వీటి మధ్య కొట్లాట ఎలా జరిగిందంటే.. ఓ ఆడ జింక ఒంటరిగా గడ్డి మేస్తు ఉంటే.. అక్కడకు మరో ఆడ జింక వచ్చింది. వాటి మధ్య ఏం జరిగిందో ఏమో గానీ.. హఠాత్తుగా గొడవ మొదలైంది. రెండు కాళ్లను గాల్లోకి లేపి మరీ ఒకదాన్ని ఒకటి పొడుచుకున్నాయి. కాళ్లను పైకి లేపి ముఖంపై ఆడిస్తుంటే.. చూడటానికి చాలా ఫన్నీగా అనిపిస్తుంటుంది.
ఇలా రెండు జింకలు ఒకదానికొకటి నేనంటే.. నేనంటూ కొట్లాడుకున్నాయి. ఇలా కొన్ని క్షణాల పాటు జింకలు కొట్లాడుకున్న తర్వాత అక్కడి నుంచి పరుగెత్తాయి. ఈ విషయంపై జింకలను పెంచుకొని యజమని గే ఇస్బర్ మాట్లాడుతూ.. రెండు ఆడ జింకలు కొట్టుకోవడం అనేది తన జన్మలో చూడలేదని.. ఇలా చూడటం మొదటి సారి అని అన్నారు. ఈ జింకలు కొట్టుకొని దాదాపు మూడేళ్లు అవుతున్నా ఆ వీడియో మళ్లీ సోషల్ మీడియాలో వైరల్ గా మారింది.