Rakul -Jacky Bhagnani: సినీనటి రకుల్ ప్రీతి సింగ్ ఫిబ్రవరి 21వ తేదీ తన ప్రియుడు నటుడు జాకీ భగ్నానితో ఏడడుగులు నడిచిన సంగతి తెలిసిందే. గత కొంతకాలంగా ప్రేమలో ఉన్నటువంటి వీరిద్దరూ తమ ప్రేమ విషయాన్ని అధికారకంగా సోషల్ మీడియా ద్వారా తెలియజేశారు. ఇలా తమ ప్రేమ విషయాన్ని తెలియజేసినటువంటి ఈ జంట ఎంతో స్వేచ్ఛగా ప్రేమ పక్షులుగా తిరుగుతూ వచ్చారు.

ఇలా ఇన్ని రోజులు ప్రేమ పక్షులుగా విహరించినటువంటి ఈ జంట పెళ్లి బంధంలోకి అడుగు పెట్టారు. వీరి వివాహం గోవాలో ఎంతో అంగరంగ వైభవంగా జరిగింది 45 ఎకరాల రిసార్ట్ లో మూడు రోజులపాటు అత్యంత సన్నిహితులు కుటుంబ సభ్యుల సమక్షంలో రకుల్ పెళ్లి వేడుకలు జరిగాయి.

ఇలా వీరి వివాహ వేడుకలు ఎంతో ఘనంగా జరిగాయని తాజాగా రకుల్ షేర్ చేసిన పెళ్లి ఫోటోలు చూస్తే అర్థమవుతుంది. పెళ్లి తర్వాత ఈమె తన భర్త జాకీ తో కలిసి ఉన్నటువంటి ఫోటోలను సోషల్ మీడియాలో షేర్ చేశారు. సాంప్రదాయమైనటువంటి పెళ్లి దుస్తులను వీరిద్దరూ ఎంతో చూడముచ్చటగా ఉన్నారు. వీరి పెళ్లి కోసం ప్రత్యేకంగా డిజైన్ చేయించినటువంటి దుస్తులను ధరించారు.

సాంప్రదాయ దుస్తులలో..

ఈ పెళ్లి వేడుకలలో రకుల్ పింక్ కలర్ లెహంగా ధరించగా జాకీ వైట్ కలర్ కుర్తాలో కనిపించారు. ఇలా పెళ్లి పీటలపై వీరిద్దరూ ఎంతో నవ్వుతూ సంతోషంగా ఉన్నారు. ఈ విధంగా వీరిద్దరూ పెళ్లి తర్వాత మీడియా ముందుకు వచ్చారు. అనంతరం జాకి తన భార్య రకుల్ పై ఎంతో ప్రేమగా ముద్దు పెడితే ఫోటోలకు ఫోజులిచ్చారు ప్రస్తుతం ఈ ఫోటోలు సోషల్ మీడియాలో వైరల్ గా మారడంతో అభిమానులు ఈ జంటకు శుభాకాంక్షలు తెలుపుతున్నారు.