Cognizant: రెండేళ్ల క్రితం మొదలైన కరోనా మహమ్మారి… ప్రపంచ దేశాలను ఇప్పటికీ పట్టి పీడిస్తోంది. వరస లాక్ డౌన్లు, కరోనా వేవ్ లతో ప్రజలు తీవ్ర ఇబ్బందులు ఎదుర్కొన్నారు. ముఖ్యంగా పలు దేశాల ఆర్థిక వ్యవస్థలన్నీ అతలాకుతలం అయ్యాయి. దీంతో పలు రంగాలపై కరోనా ఎఫెక్ట్ పడింది.
దీంతో చాలా రంగాల్లో ఉద్యోగాలు ఊడిపోయాయి. ఇటీవల ఇండియా ఎకనామిక్ సర్వేలో కూడా ఒక్క వ్యవసాయ రంగంం తప్పితే.. మిగతా రంగాలపై కరోనా ఎఫెక్ట్ పడిందని తెలిపింది. ఇదిలా ఉంటే కొత్త ఉద్యోగాలు కూడా రాలేదు.
ప్రస్తుతం కరోనా తగ్గుముఖం పట్టడంతో పలు రంగాల్లో ఉద్యోగ అవకాశాలు వస్తున్నాయి. గతంలో ఆశించి స్థాయిలో లాభాలు రాకపోవడంతో పలు ఐటీ కంపెనీలు రిక్రూట్ మెంట్ కు దూరంగా ఉన్నాయి. అయితే ప్రస్తుతం పరిస్థితులు చక్కబడటంతో ఐటీ కంపెనీలు పెద్ద ఎత్తున ప్రెషర్స్ ని రిక్రూట్ చేసుకునేందుకు సన్నద్ధం అవుతున్నాయి.
2021లో కాగ్నిజెంట్ సుమారు రూ. 1.39 లక్షల కోట్ల ..
తాజాగా ఐటీ దిగ్గజ సంస్థ కాగ్నిజెంట్ 2022లో ఏకంగా 50 వేల మంది ప్రెషర్స్ ని తీసుకోనుంది. కాగ్నిజెంట్ చరిత్రలోనే ఒక ఏడాదిలో ఇంత పెద్ద మొత్తంలో ఉద్యగులను రిక్రూట్ చేసుకోవడం తొలిసారి. గతేడాది ఇదే సంస్థ 33 వేల మంది ప్రెషర్లను తీసుకుంది. దీంతో 2021 అక్టోబర్ నాటికి కాగ్నిజెంట్ లో ఉద్యోగుల సంఖ్య మొత్తం 3,30,600కు చేరింది. ఇదిలా ఉంటే 2021లో కాగ్నిజెంట్ సుమారు రూ. 1.39 లక్షల కోట్ల ఆదాయాన్ని పొందింది. 2020తో పోలిస్తే ఇది రెండు అంకెల వృద్ధి రేటు కావడం విశేషం. ఇక వచ్చే ఏడాది తొలి త్రైమాసికంలో 10.2 శాతం నుంచి 11.2 శాతానికి ఆదాయం పెరుగుతుందని సంస్థ అంచనా వేస్తోంది.
