Good News: నిరుద్యోగులకు గుడ్ న్యూస్..! 50 వేల ఉద్యోగాలకు నోటిఫికేషన్..!

Good News: తెలంగాణలోని నిరుద్యోగులకు గుడ్ న్యూస్. త్వరలోనే ప్రభుత్వం ఉద్యోగాల భర్త చేపడుతుందనే వార్తలు వినిపిస్తున్నాయి. దీనికి సంబంధించి ఖాళీల వివరాలను అధికారులు సేకరిస్తున్నట్లు తెలుస్తోంది. ఇటీవల బడ్జెట్ పై కేసీఆర్ మాట్లాడుతున్న సమయంలో కూడా త్వరలోనే ఉద్యోగాలకు నోటిఫికేషన్లు రాబోతున్నాయనే హింట్ ఇచ్చారు.

దీంతో ఎన్నాళ్ల నుంచో ప్రభుత్వ ఉద్యోగం కోసం ఎదురుచూస్తున్న నిరుద్యోగులకు మంచి అవకాశం రానుంది.  కొత్త జోనల్ విధానంలో ఉద్యోగుల విభజన ప్రక్రియ పూర్తి చేస్తామని గతంలో ప్రభుత్వం ప్రకటించింది. దీనికి అనుగుణంగానే డిసెంబర్ నెలలో రాష్ట్ర వ్యాప్తంగా అన్ని జిల్లాల్లో 2018 రాష్ట్రపతి ఉత్తర్వలుకు లోబడి… కొత్తజోనల్ విధానానికి అనుగుణంగా ఉద్యోగుల విభజన ప్రక్రియ చేపట్టారు.

దీంతో ఉద్యోగులు తమ స్థానికత మేరకు ఆయా జిల్లాలకు బదిలీ అయ్యారు. ప్రస్తుతం పరస్పర అంగీకారంతో ఉద్యోగులు బదిలీ అయ్యేందుకు ప్రభుత్వం మార్గదర్శకాలను విడుదల చేసింది. ఈ ప్రక్రియ కూడా త్వరలోనే ముగిసే అవకాశం ఉంది.

ఉద్యోగ భర్తీకి కసరత్తు ..

ఉద్యోగులు పూర్తి స్థాయి విభజన, బదిలీల తరువాత ఏయే డిపార్ట్మెంట్ లో ఎన్ని ఖాళీలు ఉన్నాయనే దానిపై ప్రభుత్వానికి క్లారిటీ రానుంది. ఖాళీలకు అనుగుణంగా ప్రభుత్వ నోటిఫికేషన్లు ఇచ్చే అవకాశం ఉంది. ఈనెలలోనే కొన్ని నోటిఫికేషన్లు వచ్చే అవకాశం ఉంది. మొత్తంగా 50 వేల ఉద్యోగాలకు నోటిఫికేషన్లు వచ్చే అవకాశం ఉంది. సీఎం ఆదేశాల మేరకు ఉన్నతాధికారులు కూడా ఉద్యోగ భర్తీకి కసరత్తు మొదలుపెట్టారు. అన్నీ అనుకున్నట్లు జరిగితే… నిరుద్యోగులకు త్వరలోనే గుడ్ న్యూస్ వచ్చే అవకాశం ఉంది. ఏళ్ల తరబడి వేచి చూస్తున్నవారి కల తీరనుంది.