Budget 2022-23: కొన్ని నిమిషాల క్రితమే కేంద్ర బడ్జెట్ ప్రసంగం ప్రారంభమైంది. దీనికి సంబంధించి కేంద్ర ఆర్థిక మంత్రి నిర్మలా సీతారామన్ పార్లమెంట్‌లో బడ్జెట్ ప్రవేశపెట్టారు. మొదటి నుంచి ఎదురు చూస్తున్న మినహాయింపులు ఇస్తారా .. లేదంటే.. అంతకముందు ఉన్న బడ్జెట్ల మాదిరిగానే ఉంటుందా అనేది తెలియాలంటే మరికొంత సమయం ఆగాల్సిందే.
అయితే ప్రస్తుతం ప్రవేశపెట్టిన బడ్జెట్ రాబోయే 25 సంవత్సరాలను దృష్టిలో పెట్టుకొని బడ్జెట్ రూపొందించామని తెలిపారు కేంద్ర మంత్రి నిర్మలా సీతారామన్. కరోనా మహమ్మారి కారణంగా పరిస్థితులు తలకిందులు అయ్యాయని.. వాటి నుంచి ప్రతీ ఒక్కరూ బయటపడాలని కోరుకుంటున్నాట్లు పేర్కొన్నారు.
ఇక ప్రతీ ఒక్కరూ వ్యాక్సిన్ తీసుకోవాలని సూచించారు. వ్యాక్సిన్ యొక్క ఉపయోగంపై క్యాంపెయిన్ జరుగుతోందని.. ఇది ఎక్కువగా ఉపయోగపడుతుందని తెలిపారు. ప్రస్తుతం ఆజాదీకా అమృత్ మహోత్సవ్ గడియల్లో ఉన్నామని, మరో 25 ఏళ్ల విజన్‌తో తమ ప్రభుత్వం బడ్జెట్ రూపొందించిందన్నారు.
16 సెక్టార్లలో ఎక్కువ ఉద్యోగాల కల్పన..
ఇక డిజిటల్ కరెన్సీని ప్రోత్సహించాలని ఆ విధంగానే కేంద్రం ముందుకు వెళ్తుందని అన్నారు. డిజిటల్ ఎకానమీని కేంద్ర ప్రభుత్వం ప్రమోట్ చేస్తుందన్నారు. సవాళ్లను ఎదుర్కొనే స్థితిలో ఉన్నామని నిర్మలా సీతారామన్ తెలిపారు. ఇక ఈ ప్రసంగంలో నిరుద్యోగులకు శుభవార్త చెప్పారు కేంద్ర మంత్రి. రాబోయే రోజుల్లో ప్రొడక్టివిటీ లింక్డ్ ఇన్సెంటివ్స్‌తో 16 సెక్టార్లలో ఎక్కువ ఉద్యోగాల కల్పన జరుగుతుందని అన్నారు. అంతే కాకుండా.. వాటిల్లో 60 లక్షల ఉద్యోగాలు కల్పించబోతున్నామన్నారు.