Dasara Director: నాచురల్ స్టార్ నాని కీర్తి సురేష్ జంటగా సింగరేణి బొగ్గు గనుల నేపథ్యంలో ప్రేక్షకుల ముందుకు వచ్చినటువంటి చిత్రం దసరా. ఈ సినిమా మార్చి 30వ తేదీ పాన్ ఇండియా స్థాయిలో ఎంతో మంచి ఆదరణ సంపాదించుకుంది. ఇలా నాని కీర్తి సురేష్ డి గ్లామర్ పాత్రలలో నటించిన ఈ సినిమా అద్భుతమైన విజయాన్ని అందుకుంది.ఈ క్రమంలోనే ఈ సినిమాకు దర్శకత్వం వహించిన డైరెక్టర్ శ్రీకాంత్ ఓదెల గురించి ప్రస్తుతం పెద్ద ఎత్తున చర్చలు మొదలయ్యాయి.
సాధారణంగా కొత్త దర్శకుడు అంటే కేవలం సొంత భాష చిత్రాన్ని తెరకెక్కిస్తారు కానీ ఇండస్ట్రీలోకి వచ్చి అసిస్టెంట్ డైరెక్టర్ గా పనిచేసే అనంతరం డైరెక్టర్ గా మారిన శ్రీకాంత్ మాత్రం ఒకేసారి పాన్ ఇండియా స్థాయిలో సినిమాని చేసి అందరిని ఆశ్చర్యపరిచారు.ఇలా మొదటి సినిమాతోనే ఎంతో మంచి సక్సెస్ అందుకున్నటువంటి శ్రీకాంత్ ఓదెలఎవరు ఈయన బ్యాక్ గ్రౌండ్ ఏంటి అనే విషయానికి వస్తే….
శ్రీకాంత్ ఓదెల మరెవరో కాదు లెక్కల మాస్టర్, క్రియేటివ్ డైరెక్టర్ సుకుమార్ శిష్యుడే. శ్రీకాంత్ కరీంనగర్ జిల్లా సింగరేణి ప్రాంతానికి చెందిన వ్యక్తి అని తెలుస్తోంది. చిన్నప్పటి నుంచి సినిమాలపై ఎంతో ఆసక్తి ఉన్నటువంటి శ్రీకాంత్ 2016లో టు ఫాదర్ విత్ లవ్ అనే షార్ట్ ఫిలిం కు ఎన్నో అవార్డులు అందుకున్నారు. ఇలా మొదలైన తన ప్రస్థానం నేడు పాన్ ఇండియా స్థాయి వరకు మారుమోగుతుంది.
Dasara Director: సుకుమార్ శిష్యుడే శ్రీకాంత్…
ఇండస్ట్రీలోకి అడుగుపెట్టిన శ్రీకాంత్ మొదట్లో సుకుమార్ దగ్గర శిష్యరికం చేశారు.సుకుమార్ దర్శకత్వంలో రామ్ చరణ్ నటించిన రంగస్థలం సినిమాకు ఈయన అసిస్టెంట్ డైరెక్టర్ గా పని చేశారు.ఇలా అసిస్టెంట్ డైరెక్టర్ గా పనిచేస్తున్న శ్రీకాంత్ అనంతరం నాని హీరోగా దసరా సినిమా ద్వారా ప్రేక్షకుల ముందుకు వచ్చారు. ఇలా మొదటి సినిమాతోనే ఎంతో మంచి సక్సెస్ అందుకున్నటువంటి ఈయన గురించి ప్రస్తుతం పెద్ద ఎత్తున ఇండస్ట్రీలో చర్చలు మొదలయ్యాయి. ఇక ఈ సినిమా మంచి హిట్ అవడంతో శ్రీకాంత్ కు వరుస అవకాశాలు వస్తాయి అనడంలో సందేహం లేదు.