Sitaramam Movie: హను రాఘవపూడి దర్శకత్వంలో మలయాళీ నటుడు దుల్కర్ సల్మాన్, నటి మృణాల్ ఠాగూర్ జంటగా నటించిన చిత్రం సీతారామం. ఈ సినిమా ఆగస్టు 5వ తేదీ ప్రేక్షకుల ముందుకు వచ్చి మొదటి షో తోనే సూపర్ హిట్ టాక్ సొంతం చేసుకుంది. కేవలం మౌత్ టాక్ తోనే ఈ సినిమా ప్రేక్షకులను థియేటర్లకు రప్పిస్తుంది.

ఇలా ఈ సినిమా మొదటి షో నుంచి ఎంతో అద్భుతమైన విజయాన్ని సొంతం చేసుకోవడమే కాకుండా కమర్షియల్ గా కూడా భారీ కలెక్షన్లను రాబడుతుంది. ఇకపోతే ఈ సినిమాలో గౌతమ్ మీనన్, తరుణ్ భాస్కర్, రష్మిక,సుమంత్ వంటి వారు కూడా ప్రధాన పాత్రలలో నటించారు. ఈ సినిమాని శ్రీ వైజయంతి మూవీస్ బ్యానర్ లో అశ్వినీ దత్ నిర్మించారు.

ఇకపోతే ఈ సినిమాలో మొదటగా పూజా హెగ్డే నటిస్తుందని వార్తలు వచ్చాయి. కానీ ఆమె ఈ సినిమాలో సీత పాత్రలో కాకుండా రష్మిక నటించిన అఫ్రీన్ పాత్ర కోసం ముందుగా పూజ హెగ్డేని సంప్రదించారట. ఇందులో రష్మిక పాత్ర ఎంతో కీలకంగా మారింది. ఇండియన్స్ ను ద్వేషించే పాకిస్తానీ అమ్మాయి పాత్రలో రష్మిక సందడి చేశారు.

Sitaramam Movie: కరోనా కారణం వల్ల తప్పుకున్న పూజ…

ఈ సినిమాలో రష్మిక పాత్రలో ముందుగా పూజ హెగ్డే ని సంప్రదించడం అందుకు ఆమె కూడా గ్రీన్ సిగ్నల్ ఇవ్వడం జరిగింది. అయితే ఈ సినిమా షూటింగ్ ప్రారంభమయ్యే సమయానికి కరోనా రావడం వల్ల పెండింగ్ లో ఉన్న సినిమాల కారణంగా తన కాల్ షీట్స్ లేకపోవడంతో చివరికి ఆ పాత్రలో పూజా హెగ్డేకి బదులు రష్మికను తీసుకున్నారు. ఇలా మొత్తానికి పూజ హెగ్డే సీతారామం వంటి ఒక మంచి సినిమాను మిస్ అయిందని చెప్పాలి.