ఆన్ లైన్ గేమ్స్ ను ఎక్కువగా ఇష్టపడేవాళ్లు కొత్త కొత్త గేమ్స్ కోసం ఎప్పుడూ వెతుకుతూ ఉంటారు. అయితే గేమింగ్ ప్రియులకు ప్రపంచవ్యాప్తంగా ఫేమస్ అయిన కొన్ని గేమ్స్ గురించి అవగాహన ఉండదు. అయితే ఎన్నో పాపులర్ ఆన్ లైన్ గేమ్స్ గేమ్స్ ను ఇష్టపడేవాళ్లకు మంచి అనుభూతిని కలిగిస్తాయి. అలా ప్రపంచవ్యాప్తంగా ఫేమస్ అయిన గేమ్స్ లో అమాంగ్ అస్ గేమ్ కూడా ఒకటి. పిల్లలు, పెద్దలు అనే తేడాల్లేకుండా అందరూ ఈ గేమ్ ను ఎక్కువగా ఇష్టపడుతున్నారు.

ప్రతిరోజూ కొన్ని కోట్ల మంది ఆన్ లైన్ లో ఆడే గేమ్స్ లో అమాంగ్ అస్ కూడా ఒకటి. ఇంగ్లీష్ లో “among as” గా పిలిచే ఈ గేమ్ రెండు సంవత్సరాల క్రితం లాంఛ్ అయింది. సంవత్సరం సంవత్సారానికి ఈ గేమ్ ను ఆడేవాళ్ల సంఖ్య అంతకంతకూ పెరుగుతోంది. స్మార్ట్ ఫోన్లలో అమాంగ్ అస్ గేమ్ ను ఉచితంగా ఆడే అవకాశం ఉంటుంది. అయితే ఎవరైనా పీసీలో ఆడాలనుకుంటే మాత్రం ఖచ్చితంగా నగదు చెల్లించాలి.

గతంలో పాపులర్ అయిన గేమ్స్ ను సైతం వెనక్కు నెట్టి అమాంగ్ అస్ గేమ్ మొదటి స్థానంలో నిలిచింది. 1 జీబీ ర్యామ్, విండోస్ 7 ఓఎస్ ఉన్న సిస్టమ్ లలో కూడా ఈ గేమ్ ను సులభంగా ఆడవచ్చు. ఈ గేమ్ సైజ్ 70 ఎంబీ కాగా ఆండ్రాయిడ్ వెర్షన్ 4.4 కంటే ఎక్కువగా ఉండేలా చూసుకోవాలి. ఐ ఫోన్లలో గేమ్ సైజ్ 190 ఎంబీ కాగా 10.0 కంటే ఎక్కువ ఉండే ఐఓఎస్ ఉండాలి. ఒకే గదిలో పది మంది అమాయకులు, ఇంపోస్టర్ లు ఉంటారు.

ఈ ఇంపోస్టర్లను పట్టుకోవడమే మిగతా వారి లక్ష్యం. ఎటువంటి గేమింగ్ స్కిల్స్ లేకపోయినా ఈ గేమ్ ను సులభంగా ఆడవచ్చు. ఈ గేమ్ ను ఎప్పటికప్పుడు మరింత డెవలప్ చేస్తూ ఉండటంతో గేమింగ్ ప్రియులను ఈ గేమ్ ఎంతగానో ఆకట్టుకుంటోంది. యాప్ స్టోర్ల ద్వారా ఈ గేమ్ ను సులువుగా డౌన్ లోడ్ చేసుకొవచ్చు.