మనం సినిమాలలో కొన్ని సన్నివేశాలను చూస్తుంటాము. పెళ్లి జరిగే సమయానికి ఆపండి అనడం మనం వింటూ ఉంటాం. తాళి కట్టే సమయంలో ఏదో ఒక కారణాల వల్ల ఎన్నో పెళ్లిళ్లు ఆగిపోవడం తరచూ మనం చూస్తూనే ఉన్నాము. ఇలాంటి తరహాలోనే తాజాగా తూర్పుగోదావరి జిల్లాలో వధువు ప్రియుడి నిర్వాకం వల్ల జరగాల్సిన పెళ్లి ఆగిపోయిన ఘటన తాజాగా చోటు చేసుకుంది. పూర్తి వివరాల్లోకి వెళితే.

తూర్పుగోదావరి జిల్లా, అనపర్తి మండలం,అనపర్తి మండలం మహేంద్రవాడలో ఈ ఘటన తాజాగా చోటు చేసుకుంది. పెళ్లి కుమార్తె ఒక వ్యక్తిని ప్రేమిస్తున్న సంగతి కుటుంబ సభ్యులకు తెలియడంతో ఆమెకు మరొక వివాహం నిశ్చయించారు. అయితే తాను ప్రేమించిన యువతికి మరొక వ్యక్తితో పెళ్లి జరుగుతుందని కోపంతో నాకు దక్కనిది మరెవరికీ దక్కకూడదనే ఉద్దేశంతో ఆ ప్రియుడు వారిద్దరు కలిసి దిగిన ఫోటోలను వరుడికి పంపించాడు. ఈ ఫోటోలను చూసిన వరుడు, అతని కుటుంబ సభ్యులు ఈ పెళ్లి జరగడానికి అంగీకరించలేదు.

వరుడు కుటుంబ సభ్యులు ఈ విషయాన్ని వధువు కుటుంబ సభ్యులకు తెలియజేసి ఈ పెళ్ళి జరగడానికి ఒప్పుకోకపోవడంతో వీరి పెళ్లి ఆగిపోయింది. వధువు కుటుంబ సభ్యులు ఈ విషయం గురించి ఎంత చెప్పినా వరుడి కుటుంబ సభ్యులు వినక పోవడంతో ఈ పెళ్లి కాస్త ఆగిపోయింది. ఈ విధంగా పెళ్లి ఆగిపోవడంతో ఎంతో ఆగ్రహం వ్యక్తం చేసిన వధువు కుటుంబ సభ్యులు, బంధువులు వధువు ప్రియుని పట్టుకొని చితకబాదారు. అనంతరం ఆ ప్రియున్ని అనపర్తి పోలీస్ స్టేషన్లో అప్పగించి అతనిపై కేసు నమోదు చేశారు. పోలీసులు కేసు నమోదు చేసుకుని దర్యాప్తు కొనసాగిస్తున్నారు.