Sr. NTR: సినిమా ఇండస్ట్రీలో ఎన్నో బడా బ్యానర్స్ ఉన్నాయి. అలాంటి వాటిలో శ్రీ వైజయంతి మూవీస్ బ్యానర్ ఒకటి. ఈ బ్యానర్ లో ఎన్నో సినిమాలు బాక్సాఫీస్ వద్ద మంచి విజయాన్ని అందుకున్నాయి.ఇక వైజయంతి మూవీస్ బ్యానర్ లో మొట్టమొదటి సారిగా తెరకెక్కిన చిత్రం ఎదురులేని మనిషి. ఇందులో సీనియర్ ఎన్టీఆర్ వాణిశ్రీ జంటగా నటించారు.

1975 డిసెంబర్ 12వ తేదీ విడుదలైన ఈ సినిమా బాక్సాఫీస్ వద్ద మంచి విజయాన్ని అందుకుంది. ఇక ఈ సినిమాకు ఎన్నో ప్రత్యేకతలు ఉన్నాయి. అప్పటి వరకు ఎన్టీఆర్ నటించిన సినిమాలలో మాదిరి కాకుండా ఈ సినిమాలో ఎన్టీఆర్ పూర్తిగా తన లుక్ మార్చి యవ్వనంగా కనిపించారు. ఈ సినిమాలో ఎన్టీఆర్ లుక్ ప్రతి ఒక్క ప్రేక్షకుడిని ఎంతగానో ఆకట్టుకుంది.

ఇక ఈ సినిమాలో కసిగా ఉంది అనే పాట ఉంది. ఈ పాట విన్న తర్వాత ఎన్టీఆర్ ఏంటి ఈ పాటకు నేను డాన్స్ చేయాలా.. అంటూ అశ్వనీదత్ తో అన్నారు.ఈ మాటకు అశ్వనీదత్ మాట్లాడుతూ నేను మీకు పెద్ద అభిమానిని మిమ్మల్ని ఇలా చూడాలనుకోవడం నా కోరిక. ఇలాగే నాలాంటి ఎంతోమంది అభిమానులు కూడా మీలో కొత్తదనాన్ని కోరుకుంటారు అంటూ అశ్వనీదత్ చెప్పారు.

ప్రేక్షకుల అభిరుచికి అనుగుణంగా మారాను…

ఇక అశ్వినీదత్ మాటలు విన్న ఎన్టీఆర్ ఏమాత్రం మాట్లాడకుండా వారు చెప్పిన విధంగా ఈ సినిమాలో కసిగా ఉంది అనే పాటకు వాణిశ్రీ తో కలిసి చిందులు వేశారు. ఇక ఈ పాట ప్రేక్షకులను ఆకట్టుకోవడమే కాకుండా బాక్సాఫీస్ వద్ద సినిమా బ్లాక్ బస్టర్ విజయాన్ని అందుకుంది. ఇక ఇదే విషయాన్ని ఎన్టీఆర్ వంద రోజులు ఈ వేడుకలో మాట్లాడుతూ.. ప్రజలలో మారిన అభిరుచులకు అనుగుణంగా తాను మారానని, అశ్వినీదత్ చెప్పిన విధంగానే నేను చేశానని ఎన్టీఆర్ వందరోజుల వేడుకలో వెల్లడించారు.