Syed Sohel: ఈ మధ్యకాలంలో సోషల్ మీడియాని ఉపయోగించుకొని ఎంతో మంది సెలెబ్రిటీలుగా మారుతున్నారు.ముఖ్యంగా చాలామంది యూట్యూబ్ ఛానల్స్ స్టార్ట్ చేసి ఆ యూట్యూబ్ ఛానల్ ద్వారా వారికి సంబంధించిన ఎన్నో వీడియోలను షేర్ చేస్తూ ఎంతో మంది అభిమానులను సంపాదించుకున్నారు.ఎంతో ఫేమస్ అయినటువంటి వారిని పలువురు సినీ సెలబ్రిటీలు సంప్రదించి సినిమా ప్రమోషన్ కార్యక్రమాలను కూడా నిర్వహిస్తూ ఉంటారు.

యూట్యూబ్ ఛానల్ ద్వారా ఎంతో పేరు ప్రఖ్యాతలు సంపాదించుకున్న వారిలో లోకల్ బాయ్ నాని ఒకరు. ఈయన వైజాగ్ లో ఉంటూ వైజాగ్ సముద్ర తీరాన సముద్రంలో ప్రయాణం చేస్తూ చేపలు పట్టడం ఎలా?ఏ చేపలను ఎలా వండాలి అనే విషయాల గురించి తన యూట్యూబ్ ఛానల్ ద్వారా అభిమానులతో పంచుకుంటారు. ఇలా అతి తక్కువ సమయంలోనే ఎంతో మంది సబ్స్క్రైబర్లను సంపాదించుకొని స్టార్ సెలబ్రిటీ హోదా సంపాదించుకున్న లోకల్ బాయ్ నానిని బిగ్ బాస్ ఫేమస్ సోహైల్ కలిశారు.

సోహైల్ నానితో కలిసి సముద్రంలో ప్రయాణం చేస్తూ ఎలా చేపలు పట్టాలి అనే విషయాలు గురించి సరదాగా ఒక వీడియో చేశారు. ఇక సోహైల్ బోటూ చివరన నిలబడి చేపలు పట్టే ప్రయత్నం చేయడంతో ప్రమాదవశాత్తు ఒక్కసారిగా సముద్రంలోకి పడిపోయారు. ఇలా సోహైల్ సముద్రంలోకి పడిపోవడంతో అతనితో వచ్చిన వ్యక్తి పెద్ద ఎత్తున కేకలు వేయగ వెంటనే నాని సముద్రంలోకి దూకి సోహైల్ ను క్షేమంగా రక్షించారు.

Syed Sohel: పట్టు తప్పి సముద్రంలో పడిన సోహైల్

ఈ ప్రమాదంలో సోహైల్ ప్రాణానికి ఎలాంటి ప్రమాదం లేకపోయినా తన కాళ్లకు కొద్దిపాటి గాయాలు తగిలాయి. ఇలా ఉన్నఫలంగా అనుకోని ప్రమాదం జరగడంతో బోటులో ప్రయాణిస్తున్న వారందరూ కూడా కాస్త కంగారు వ్యక్తం చేశారు. అయితే తాజాగా ఇందుకు సంబంధించిన వీడియోని లోకల్ బాయ్ నాని తన యూట్యూబ్ ఛానల్ ద్వారా షేర్ చేయడంతో ఇది కాస్త సోషల్ మీడియాలో వైరల్ గా మారింది.