బుల్లితెరపై ప్రసారమయ్యే బిగ్ బాస్ రియాలిటీ కోసం ప్రేక్షకులు ఎంతో ఆతృతగా ఎదురు చూశారు. ఈ క్రమంలోనే ఆదివారం సాయంత్రం బిగ్ బాస్ కార్యక్రమాన్ని ఎంతో అట్టహాసంగా ప్రారంభించారు నిర్వాహకులు. గత రెండు సీజన్ల మాదిరిగానే ఈ సీజన్ కి నాగార్జున హోస్ట్ గా వ్యవహరించారు. ఈ క్రమంలోనే కంటెస్టెంట్ లను ఒక్కొక్కరిగా స్టేజ్ పైకి ఆహ్వానిస్తూ వారితో ముచ్చటించి వారిని బిగ్ బాస్ హౌస్ లోపలికి పంపించారు.
ఈ విధంగా బిగ్ బాస్ వేదికపైకి గ్రాండ్ గా ఎంట్రీ ఇచ్చింది 7 ఆర్ట్స్ సరయు. యూట్యూబ్ ద్వారా పలు సిరీస్ లు, షార్ట్ ఫిలిమ్స్ లో నటిస్తూ బోల్డ్ బ్యూటీగా పేరు సంపాదించుకున్న ఈమె పచ్చి బూతులు మాట్లాడుతూ బాగా పాపులర్ అయ్యారు. ఈమెను బోల్డ్ బ్యూటీతో పాటు బూతుల బ్యూటీ అని కూడా పిలుస్తుంటారు. బోల్డ్ కంటెంట్ తో ప్రేక్షకులను ఆకట్టుకునే ఈ బ్యూటీ బిగ్ బాస్ వేదికపై కూడా డబుల్ మీనింగ్ డైలాగులు మాట్లాడుతూ అందరి దృష్టిని ఆకర్షించింది.
ఈ విధంగా బిగ్ బాస్ వేదికపైకి అడుగుపెట్టిన ఈమె తన మాటలతో నాగార్జునను ఎంతో ఇంప్రెస్ చేశారు. ఈ క్రమంలోనే సరయూతో మాట్లాడుతూ నాగార్జున కొన్ని పదాలు చెప్పి వాటిని తన స్టైల్ లో చెప్పమని సరయుకి చెప్పారు. నాగార్జున చెప్పిన మాటలకు సై అంటూ మింగకు, మింగేయ్ రా, కథలుపడకూ అంటూ తన స్టైల్లో చెప్పి అందరిని సందడి చేసింది.
అదేవిధంగా బిగ్ బాస్ అయినా, ఎవరైనా సరే ధమ్ ధమ్ చేస్తా అంటూ ఈ బ్యూటీ రెచ్చిపోయింది. ఈ వేదికపై సరయూ మాట్లాడుతూ చిన్నప్పుడు అన్నపూర్ణ స్టూడియో అంటూ తన తల్లి అన్నపూర్ణ స్టూడియోని చూపించడంతో ఎలాగైనా ఇందులోకి అడుగు పెట్టాలన్న కసితో, గట్టిగా నిర్ణయం తీసుకున్నానని, అందువల్లే ఇక్కడ ఈ వేదికపై మీ ముందు ఉన్నానంటూ నాగార్జున గారితో సరదాగా ముచ్చటిస్తూ హౌస్ లోకి ఎంట్రీ ఇచ్చారు. సోషల్ మీడియాలో పచ్చి బూతులు మాట్లాడుతూ బాగా గుర్తింపు సంపాదించుకున్న ఈ బోల్డ్ బ్యూటీ హౌస్ లో మరి ఎలాంటి రచ్చ చేస్తారో వేచి చూడాల్సిందే.