ఆమెకు మొదట ఒక మగ బిడ్డకు జన్మనిచ్చింది. అతడికి ప్రస్తుతం 5 ఏళ్లు. ప్రస్తుతం భర్తతో విభేదాల కారణంగా విడిపోయింది. అయితే తన కొడుకు ఒంటరిగా పెరగడం ఇష్టంలేని తాను మరో బిడ్డకు జన్మనివ్వాలని అనుకుంది. భర్తకు దూరం అవ్వడంతో మరో వ్యక్తికి దగ్గర కావాలని ఆమె అనుకోలేదు.

దీంతో ఆమె కృత్రిమ గర్భధారణ ద్వారా సంతానాన్ని పొందేందుకే ఆమె మొగ్గుచూపింది. దాని కోసం ప్రైవేట్ ఆసుపత్రికి వెళ్లింది. తర్వాత ఏమైంది.. పూర్తి వివరాలను ఇక్కడ తెలుసుకుందాం.. ఇంగ్లాండ్ కు చెందిన స్టెఫానీ టేలర్ కు ప్రస్తుతం 33 ఏళ్లు. ఆమెకు కొన్ని సంవత్సరాల క్రితం వివాహం అయింది. వివాదాల కారణంగా అతడి నుంచి ఆమె విడిపోయింది.

మళ్లీ ఆమె ఒక బిడ్డకు జన్మనివ్వాలని నిర్ణయించుకుంది. దీని కోసం ప్రైవేట్ ఆసుపత్రులను సంప్రదించింది. అక్కడ వాటికి దాదాపు 1.6 లక్షల డబ్బులు ఖర్చు అవుతాయని అనడంతో ఆమె విరమించుకుంది. ఎలాగైన గర్భం దాల్చాలని నిర్ణయం తీసుకుంది. దాని కోసం ఓ యాప్ ద్వారా వీర్య దాతను కనుక్కుంది.

అడ్రస్ ఇవ్వడంతో అతడు ఆమె అడ్రస్ కు వచ్చి వీర్యం ఇచ్చి వెళ్లాడు. దానిని ఆమె యూట్యూబ్ లో వీడియోలను చూసి దానికోసం ఈబే ద్వారా కృత్రిమగర్భధారణ కిట్‌ను కొనుగోలు చేసింది. అనంతరం యూట్యూబ్ లో చూపించిన విధంగా ఆమె చేసింది. తర్వాత ఆమె ఆడ బిడ్డకు జన్మనిచ్చింది. ఆడ బిడ్డ పేరు ఈడెన్ అని పేరు పెట్టుకుంది. ఈ ప్రక్రియకు ఆమె తల్లిదండ్రులు ఒప్పుకోలేదు. కానీ తర్వాత ఆమె ఒప్పించింది. దీంతో ఆమె వార్తల్లో నిలిచింది.