సాధారణంగా మనం పుట్టిన రోజు వేడుకలు చేసుకుంటే పెద్ద ఎత్తున బంధువులను, సన్నిహితులను, స్నేహితులను ఆహ్వానిస్తాము. అదేవిధంగా మన ఇంట్లో ఏవైనా అల్లారు ముద్దుగా పెంచుకొని ఉన్న పెంపుడు జంతువులను ఈ పుట్టినరోజు వేడుకలలోకి తీసుకు వస్తాము. కానీ పాకిస్తాన్ కి చెందిన ఓ మహిళ ఏకంగా తన పుట్టినరోజు వేడుకలకు ముఖ్యఅతిథిగా సింహాన్ని తీసుకువచ్చింది. పూర్తి వివరాల్లోకి వెళితే…
సుసాన్ ఖాన్ అనే మహిళ లాహోర్ లోని ఓ హోటల్ లో జన్మదిన వేడుక జరుపుకుంది.ఈ విధంగా పుట్టినరోజు వేడుకలలో చీఫ్ గెస్ట్ గా వచ్చిన సింహాన్ని ఒక కుర్చీలో కూర్చోబెట్టి గొలుసులతో కట్టేశారు. అదే విధంగా ఈ వేడుకలకు వచ్చిన బంధువులందరూ ఆడుతూ పాడుతూ పుట్టినరోజు వేడుకలలో పాల్గొన్నారు. ఈ క్రమంలోనే తన పుట్టినరోజు వేడుకలలో జరిగిన ఓ వీడియోను సుసాన్ ఖాన్ తన ఇంస్టాగ్రామ్ లో పోస్ట్ చేసింది.
ఈ విధంగా వీడియోను ఇంస్టాగ్రామ్ లో పోస్ట్ చేయడంతో అసలు సమస్య మొదలైంది. ఈ వీడియో వైరల్ అవుతూ చివరికి ప్రొటెక్ట్ సేవ్ యానిమల్స్ ప్రతినిధుల కంటపడింది. దీంతో వారు ఈ వీడియోను సోషల్ మీడియా వేదికగా పోస్ట్ చేసి సదరు మహిళ పై తీవ్ర ఆగ్రహం వ్యక్తం చేశారు.
ఈ వీడియో చూసిన జంతు ప్రేమికులు అందరూ తనను కఠినంగా శిక్షించాలని ఆవేదన వ్యక్తం చేశారు. నోరులేని మూగజీవాలకు మత్తు మందు ఇచ్చి తమ ఆనందం కోసం ఈ విధంగా హింసించడం చట్టపరంగా నేరమని, ఈ క్రమంలోనే తనపై చట్టరీత్యా చర్యలు తీసుకోవాలని ఆదేశించారు. ప్రస్తుతం ఈ వీడియో సోషల్ మీడియాలో వైరల్ గా మారింది.