సాధారణంగా మనం డామిట్ అనే పదాన్ని ఎన్నో సందర్భాలలో ఉపయోగిస్తూ ఉంటారు. ఇలా కన్యాశుల్కం సినిమాలో గిరీశం వాడిన ఈ డైలాగ్ ఎంతో పాపులర్ అయ్యింది. ఇలా ప్రతి ఒక్కరి నోటి వెంట డామిట్ అనే పదం వచ్చేది. ఇదిలా ఉండగా తాజాగా డామీట్.. డేవిడ్ రాజు పెళ్లి అయిపోయింది అనే టైటిల్ తో మరొక సినిమా ప్రేక్షకుల ముందుకు రానుంది. మణిశంకర్ ఫేమ్ జీ. వెంకట్ కృష్ణన్ షార్ప్ మైండ్ ఫిలిం ఫ్యాక్టరీ పతాకంపై ఈ సినిమా తెరకెక్కుతోంది.

ఈ క్రమంలోనే ఈ సినిమా హైదరాబాద్ లో పూజా కార్యక్రమాలను నిర్వహించుకొని షూటింగ్ ప్రారంభమైంది. ఈ కార్యక్రమంలో తెలంగాణ ఫిలిం ఛాంబర్ అధ్యక్షుడు ప్రతాని రామకృష్ణ గౌడ్, ఉపాధ్యక్షుడు నెహ్రూ, హీరో శివ కంఠమనేని పెళ్లి సందD దర్శకుడు గౌరీ రొనంకి, దర్శకుడు మల్లికార్జున నిర్మాత ఆచార్య శ్రీనివాస్ తదితరులు ఈ పూజా కార్యక్రమాలలో పాల్గొన్నారు.

షార్ప్ మైండ్ ఫిలిం ఫ్యాక్టరీ బ్యానర్పై నిర్మాతలు కిరణ్ కుమార్ గుడిపల్లి, కె రామచంద్ర రెడ్డి ఈ చిత్రాన్ని సంయుక్తంగా నిర్మిస్తున్నారు. ఈ సందర్భంగా దర్శకుడు వెంకట్ కృష్ణన్ మాట్లాడుతూ..ఈ సినిమా నాకు దర్శకుడిగా మూడో సినిమా ఎంతో అద్భుతమైన కథతో మంచి కాన్సెప్ట్ తో ప్రేక్షకుల ముందుకు రాబోతున్నాము. ఇప్పటికే రాజా సంగీత దర్శకత్వంలో సాంగ్స్ రికార్డ్ స్టార్ట్ చేశాము. త్వరలోనే మిగతా సభ్యులను ప్రకటిస్తామని ఈ సందర్భంగా దర్శకుడు జి వెంకట కృష్ణన్ వెల్లడించారు.

నిర్మాత కె రామచంద్రారెడ్డి మాట్లాడుతూ దర్శకుడు వెంకటకృష్ణన్ ఎంతో కమిట్మెంట్ తో పని చేసే డైరెక్టర్ ఆయన పై నమ్మకంతో ఈ చిత్రాన్ని నిర్మిస్తున్నాను ఇందులో నటించబోయే హీరోయిన్ ఇతర ఆర్టిస్టులను త్వరలోనే ప్రకటిస్తామని ఈ సందర్భంగా తెలిపారు. ఇక తాజాగా విడుదల చేసిన టైటిల్ పోస్టర్ సినిమాపై ఆసక్తిని రేకెత్తిస్తుంది.