Acharya Movie: మెగాస్టార్ చిరంజీవి గత ఏడాది నటించిన చిత్రం ఆచార్య. కొరటాల శివ దర్శకత్వంలో ప్రేక్షకుల ముందుకు వచ్చిన ఈ సినిమా డిజాస్టర్ గా నిలిచింది. ఇక ఈ సినిమా కోసం చిత్ర బృందం 25 కోట్ల రూపాయలు ఖర్చు చేసి అతిపెద్ద సెట్ నిర్మించారు. ఈ సినిమాలో పాదగట్టం అంటూ ఒక విలేజ్ సెట్ మొత్తం నిర్మించారు. ఇలా ఈ సెట్ కోసం నిర్మాతలు 25 కోట్ల రూపాయలు ఖర్చు చేసినట్టు తెలుస్తోంది.

ఇకపోతే ఈ సినిమా షూటింగ్ పూర్తి అయినప్పటికీ ఈసెట్ నిర్మాతలు తొలగించలేదు. ఇందులో ఇతర సినిమాలు కూడా షూటింగ్ జరుపుకుంటూ ఉన్నాయి. అయితే ఉన్నఫలంగా ఆచార్య సినిమా కోసం వేసినటువంటి ధర్మస్థలి సెట్టులో అగ్ని ప్రమాదం చోటుచేసుకుంది. ఈ అగ్ని ప్రమాదంలో భాగంగా పెద్ద ఎత్తున మంటలు వ్యాపించాయి.

ఇక ఈ విషయం తెలిసిన వెంటనే అగ్నిమాపక సిబ్బంది అక్కడికి వెళ్లి మంటలను ఆర్పే ప్రయత్నం చేశారు. అయితే అప్పటికే ధర్మస్థలి సెట్ మొత్తం కాలిపోయింది. అయితే ఈ ప్రమాదానికి గల కారణాలు ఏంటి అని ఆరా తీయగా సెట్ లో ఉన్న ఎవరో ప్రధాన ద్వారం వద్ద కూర్చుని సిగరెట్ తాగి అక్కడే పడేశారు.

Acharya Movie: సిగరెట్ కారణంగా వ్యాపించిన మంటలు…

ఈ విధంగా పడేసిన సిగరెట్ కారణంగా మంటలు వ్యాపించి ధర్మస్థలి సెట్ మొత్తం కాలిపోయిందని తెలుస్తోంది.ఇక మెగాస్టార్ ఆచార్య సినిమా తర్వాత గాడ్ ఫాదర్ సినిమా ద్వారా ప్రేక్షకుల ముందుకు వచ్చారు. ఈ సినిమా మంచి విజయాన్ని అందుకుంది అదేవిధంగా వాల్తేరు వీరయ్య ద్వారా ఈ ఏడాది సంక్రాంతి కానుకగా ప్రేక్షకుల ముందుకు వచ్చారు. ఈ సినిమా కూడా ఎంతో అద్భుతమైన విజయాన్ని అందుకుంది. ప్రస్తుతం చిరంజీవి భోళా శంకర్ సినిమా షూటింగ్ పనులతో బిజీగా ఉన్నారు.