గత రెండు రోజుల నుంచి ట్రెండింగ్ లో ఉన్న పేరు హర్నాజ్ సందూ.. భారత దేశానికి దాదాపుగా 21 ఏళ్ల మిస్ యూనివర్స్ కిరీటాన్ని తెచ్చిపెట్టింది ఈ సుందరి. ఇండియా నుంచి 21 ఏళ్ల హర్నాజ్ సందూ ఇటీవల ఇజ్రాయిల్ లో జరిగిన మిస్ యూనివర్స్ 2021 కిరీటాన్ని దక్కించుకుని చరిత్ర లిఖించింది.

అయితే ప్రస్తుతం ఆమె ధరించిన కీరిటంపై అందరి దృష్టి పడింది. ఆమె ధరించిన అందాల కీరీటంలో ఎన్ని డైమండ్స్ ఉంటాయో తెలుసుకోవాలనే ఆసక్తి ప్రజల్లో సహజంగానే నెలకొంటుంది. అయితే ఈ కిరీటంలో 1725 వైట్ డైమండ్స్ ఉన్నాయి. దీంతో పాటు మూడు బంగారు రంగు వజ్రాలను కూడా పొదిగారు.

‘మాడిఫైడ్ మిక్స్డ్ కట్ గోల్డెన్ క్యానరీ డైమండ్’ మిస్ యూనివర్స్ ధరించిన కీరీటం మధ్య భాగంలో ఉంటుంది. దాని బరువు అక్షరాల 62.83 క్యారెట్లు. ఈ వజ్రం స్త్రీలతో అంతరింగిక శక్తిని, ఐకమత్యాన్ని గుర్తు చేస్తుందంటుంది దీన్ని తయారు చేసిన మౌవాద్. చాలా ఏళ్ల తరువాత భారత్ కు మిస్ యూనివర్స్ రావడంతో హర్నాజ్ సందూకు శుభాకాంక్షలు వెళ్లువెత్తుతున్నాయి.

గతంలో సుస్మితా సేన్, లారా దత్తాలు మిస్ యూనివర్స్ గా నిలిచారు. తాజాగా ఈ జాబితాలో హర్నాజ్ సందూ పేరు కూడా చేరింది. తన 17 ఏటనే మోడలింగ్ మొదలు పెట్టిన హర్నాజ్.. పలు పంజాబీ చిత్రాల్లో కూడా నటించింది. గతంలో మిస్ యూనివర్స్ లు బాలీవుడ్ లో రాణించిన విధంగానే ఈ భామ కూడా బాలీవుడ్ లో కనిపిస్తుందో లేదో చూడాలి మరి.