బుల్లితెరపై ఎంతో రసవత్తరంగా కొనసాగుతున్న కార్తీకదీపం సీరియల్ నేడు 1111 వ ఎపిసోడ్ లోకి ఎంటర్ అయింది. ఈ ఎపిసోడ్ లో భాగ్యం ఎలాగైనా
మోనితను కిడ్నాప్ చేసి ఈ పెళ్ళి తప్పించాలని భావిస్తోంది. ఈ క్రమంలోనే మోనిత ఇంటికి వెళ్లి మాయ మాటలు చెప్పడంతో భాగ్యం అబద్ధం చెబుతుందని గ్రహించిన మోనిత తననిలో పలికి తీసుకెళ్ళి కుర్చీలో కూర్చోబెట్టి తలపై కొట్టి కుర్చీకి కట్టిపడేస్తుంది. నన్నే మోసం చేస్తావా… నేను కార్తీక్ ను ఎలాగైనా పెళ్లి చేసుకుని తీరుతాను అంటూ మోనిత అత్యుత్సాహం కనబరుస్తుంది.
ఇక డాక్టర్ బాబు దీప మాట్లాడుతూ ఉంటారు. అసలు ఎక్కడికి వెళ్లావు.. ఏమైంది.. అని డాక్టర్ బాబు దీపను అడగడంతో దీప నేను ఏమి చెప్పదలుచుకోలేదు. మీరు నేను చెప్పిన అడ్రస్ కి వెళ్తే చాలు అన్నీ అక్కడే తెలుస్తాయి అంటుంది. అదేదో ఇక్కడే చెప్పచ్చుగా అంటాడు.లేదు డాక్టర్ బాబు మీరు వెళ్లి కేవలం ఆ డోర్ కొట్టండి చాలు అన్ని విషయాలు మీకు తెలుస్తాయి అంటూ డాక్టర్ బాబుకి అడ్రస్ చెబుతుంది. అడ్రస్ తెలుసుకున్న డాక్టర్ బాబు దీప చెప్పిన ఇంటికి వెళ్తాడు.
అప్పటికి అక్కడ మోనిత మనిషి ద్రాక్షారామం.. అంజి మధ్య పెద్ద గొడవ జరిగి అంజి గ్లాస్ బాటిల్ తో ద్రాక్షారామం తల పగల కొడతాడు.అంతలోగా డోర్ కొట్టడంతో ఆ రక్తపు చేతులతోనే తలుపు తీయగా డాక్టర్ బాబు కనపడతాడు. ఆ విధంగా అంజిని చూసేసరికి డాక్టర్ బాబు ..ఈ రౌడీ నా దీప నమ్మింది? అని మనసులో అనుకుంటాడు. డాక్టర్ బాబు దీపమ్మ పంపారా… అంటూ హోటల్ లో దీప వీడియో తీస్తూ తనకు ధైర్యం చెప్పిన సంఘటనను గుర్తు చేసుకుంటాడు.
డాక్టర్ బాబు మీరు మోనితను నమ్మకండి.. నన్ను నమ్మినా నమ్మక పోయినా పర్వాలేదు ఆ మోనితను నమ్మకండి… ఆమె చెప్పేవన్నీ పచ్చి అబద్ధాలే.. దీపమ్మ మాటలు నమ్మండి అంటూ జరిగినవన్నీ చెబుతాడు. అంజి చెప్పే మాటలకు కార్తీక్ నమ్మడు.ఈ విషయాలన్నీ అప్పుడే నాకు చెప్పావు కదా అంటూ ఇక నుంచైనా బుద్ధిగా ఉండమని వార్నింగ్ ఇస్తాడు. ఇక భాగ్యం కనిపించకపోవడంతో దీప తండ్రి మురళి కృష్ణ భాగ్యం గురించి కంగారుపడుతూ ఇంటికి వస్తాడు. తన పిన్ని కనిపించడంలేదని కంగారు పడతాడు.పిన్ని చెప్పకుండా ఎక్కడికి వెళ్ళింది అంటూ దీప కూడా కంగారు పడుతుంది.
ఇక 25వ తేదీ పెళ్లి కావడంతో కార్తీక్ తండ్రి ఆనందరావు పెళ్లి గురించి టెన్షన్ పడుతున్నాడు. ఆ సమయంలో ఆదిత్య శ్రావ్య వచ్చి మోనిత మాటలకు అన్నయ్య లొంగడు, ఈ పెళ్ళి జరగదు మీరు టెన్షన్ పడకండి నాన్న అంటాడు. అసలు మీ ఆరోగ్యం బాలేదు మీరు టెన్షన్ పడకూడదు అని డాక్టర్ వర్ధన్ చెప్పారుగా అంటే.. నేనేమైనా విగ్రహమా… టెన్షన్ పడకుండా ఉండటానికి ఇక్కడ నాకే ఇంత టెన్షన్ ఉంటే అక్కడ దీప ఇంకా ఎంత టెన్షన్ పడుతుందో అంటూ దీప గురించి ఆలోచిస్తాడు. ఈ విధంగా కార్తీక్ పెళ్లి గురించి టెన్షన్ పడుతున్న ఆనందరావుకి ఆదిత్య ఓదార్పు ఇస్తాడు.
దీప ఇంట్లో కూర్చొని అంజి దగ్గరికి వెళ్లిన డాక్టర్ బాబు ఇంకా రాలేదు… మరోవైపు పిన్ని ఎక్కడికెళ్ళిందో తెలియదు. అసలు ఏం జరుగుతోంది.ఈ విషయంలో మోనితకు ఏమాత్రం అవకాశం ఇవ్వకూడదు అంటూ ఆలోచిస్తూ కూర్చుంది. ఇంతలో పిల్లలు అక్కడికి వచ్చి అమ్మ 25వ తేదీ మమ్మల్ని బయటకు తీసుకు వెళ్తా అన్నావ్ కదా …. గుర్తుందా అంటూ అడుగుతారు. ఇక్కడితో ఈ ఎపిసోడ్ పూర్తవుతుంది.