Niharika: నిహారిక పరిచయం అవసరం లేని పేరు మెగా డాక్టర్ గా ఎంతో మంచి గుర్తింపు సంపాదించుకున్నటువంటి ఈమె ఇటీవల కాలంలో పెద్ద ఎత్తున వార్తల్లో నిలుస్తున్నారు. తన భర్తకు విడాకులు ఇచ్చి తండ్రి వద్దకు వచ్చిన నిహారిక ప్రస్తుతం హీరోయిన్గా సినిమాలలో నటిస్తూనే మరోవైపు నిర్మాతగా కూడా వ్యవహరిస్తున్నారు. ఇలా నిహారిక ప్రస్తుతం కెరియర్ పరంగా ఎంతో బిజీగా ఉన్నారు.

ఇకపోతే నిహారిక త్వరలోనే రాజకీయాలలోకి కూడా రాబోతుంది అంటూ వార్తలు వస్తున్నాయి. త్వరలోనే ఏపీ అసెంబ్లీ ఎన్నికలు జరగబోతున్నటువంటి తరుణంలో అన్ని పార్టీల నుంచి అభ్యర్థులను ప్రకటిస్తున్నారు. ఈ క్రమంలోనే నిహారిక తిరుపతి నియోజకవర్గం నుంచి జనసేన పార్టీ ఎమ్మెల్యే అభ్యర్థిగా పోటీ చేయబోతున్నారంటూ వార్తలు వస్తున్నాయి.

ఇలా నిహారిక ఎమ్మెల్యే అభ్యర్థిగా పోటీ చేయబోతున్నారనే వార్తలు రావడంతో అభిమానులు ఈ వ్యాఖ్యలపై స్పందిస్తూ కచ్చితంగా నిహారిక విజయం సాధిస్తుందని భావిస్తున్నారు. అయితే ఆపరేషన్ వాలెంటైన్ సినిమా ప్రమోషన్లలో భాగంగా తన సోదరుడు వరుణ్ తేజ్ వరుస ఇంటర్వ్యూలలో పాల్గొంటూ బిజీ అవుతున్నారు. ఈ క్రమంలోనే తనకు ఇదే ప్రశ్న ఎదురయింది.

అవసరమనిపిస్తే ప్రచారం చేస్తాం…

నిహారిక రాజకీయాలలోకి రాబోతుందంటూ వస్తున్నటువంటి వార్తలలో ఏమాత్రం నిజం లేదని తెలిపారు. ఇక మేము రాజకీయాలలోకి రావడం అనేది మా పెద్దల నిర్ణయం పై ఆధారపడి ఉంటుందని ఒకవేళ ఎన్నికల ప్రచారంలో మాకు అవసరం అనిపిస్తే కనుక పెదనాన్న బాబాయ్ నాన్న చెప్పినట్టు మేము ఎన్నికల ప్రచారానికి వస్తామని ఈ సందర్భంగా వరుణ్ చేసినటువంటి కామెంట్స్ వైరల్ అవుతున్నాయి.