Sreemukhi: బుల్లితెర యాంకర్ గా ఎంతో పేరు ప్రఖ్యాతలు సంపాదించుకున్న యాంకర్ శ్రీముఖి గురించి పరిచయం అవసరం లేదు.ప్రస్తుతం బుల్లితెరపై వరుస కార్యక్రమాల ద్వారా ఎంతో బిజీగా గడుపుతున్న ఈమె మరోవైపు వెండితెరపై కూడా సినిమాలలో సందడి చేస్తున్నారు. ఇలా ప్రతి ఒక్క ఛానల్ లోనూ ఏదో ఒక కార్యక్రమం ద్వారా శ్రీముఖి సందడి చేస్తున్నారు.

ఇలా వరుస కార్యక్రమాలతో ఎంతో బిజీగా గడుపుతున్నటువంటి ఈమె సోషల్ మీడియాలో కూడా ఎంతో యాక్టివ్ గా ఉంటారు. ఈ క్రమంలోనే తనకు సంబంధించిన అన్ని విషయాలను అభిమానులతో పంచుకుంటారు. ఇకపోతే తాజాగా శ్రీముఖి సోషల్ మీడియా వేదికగా కొన్ని ఫోటోలను షేర్ చేశారు. ఈ ఫోటోలు చూస్తుంటే ఈమె నూతన గృహప్రవేశం చేస్తున్నట్టు తెలుస్తుంది.

కుటుంబ సభ్యులతో కలిసి కొత్త ఇంట్లోకి ప్రవేశించిన అనంతరం ఆ ఇంటికి సంబంధించిన ఫోటోలను సోషల్ మీడియా వేదికగా అభిమానులతో పంచుకున్నారు.కొత్త ఇంట్లో తన తల్లితో కలిసి పాలు పొంగిస్తున్నటువంటి ఫోటోలతో పాటు తన సోదరుడు తల్లిదండ్రులతో కలిసి దిగిన ఫోటోలను శ్రీముఖి షేర్ చేశారు. శ్రీముఖి స్నేహితులను ఎవరిని ఆహ్వానించకుండా కేవలం కుటుంబ సభ్యులతో కలిసి కొత్త ఇంట్లోకి ప్రవేశించినట్టు తెలుస్తోంది.

Sreemukhi: వైరల్ అవుతున్న శ్రీముఖి కొత్త ఇంటి ఫోటోలు…

ఇలా తన కుటుంబ సభ్యులు మొత్తం పసుపు రంగు దుస్తులను ధరించి గృహప్రవేశ కార్యక్రమాలను పూర్తి చేశారు.ప్రస్తుతం ఇందుకు సంబంధించిన ఫోటోలు వైరల్ కావడంతో ఎంతోమంది శ్రీముఖికి సోషల్ మీడియా వేదికగా శుభాకాంక్షలు తెలియజేస్తున్నారు. ఇక ప్రస్తుతం ఈమె బుల్లితెర కార్యక్రమాలతో పాటు సినిమాలలో కూడా నటిస్తూ బిజీగా ఉన్నారు.