మెగా కుటుంబంలో ఎన్నో అల్లరి పనులు చేస్తూ చిలిపిగా ముద్దుగా వుండే నిహారిక గురించి ప్రత్యేకంగా చెప్పాల్సిన పనిలేదు.మెగా డాటర్ గా ఎంతో మంచి పేరు సంపాదించుకున్న నిహారిక వివాహం తర్వాత సినిమాలకు దూరమయ్యారు. అందుకు కారణం తన భర్తకు సినిమాలలో నటించడం ఇష్టం లేదని ఈమె హీరోయిన్ గా దూరమైనప్పటికీ నిర్మాతగా మారి పలు వెబ్ సిరీస్ లు నిర్మిస్తున్నారు.
ఇక నిహారిక గత ఏడాది డిసెంబర్ 9 వ తేదీ జొన్నలగడ్డ వెంకట చైతన్యని పెళ్లి చేసుకున్న సంగతి తెలిసిందే. మరి కొద్ది రోజులలో వీరి మొదటి పెళ్లి రోజు రావడంతో వీరిద్దరూ వారి పెళ్లి రోజున జరుపుకోవడానికి స్పెయిన్ వెళ్లారు. ఇక స్పెయిన్ లో ఈజంట బార్సిలోనాలోని అందమైన ప్రదేశాలను సందర్శిస్తూ ఎన్నో ఫోటోలను సోషల్ మీడియా వేదికగా అభిమానులతో పంచుకున్నారు.
ఇక స్పెయిన్ లో వీరు గడిపిన ప్రతి ఒక్క మూమెంట్ సోషల్ మీడియా వేదికగా షేర్ చేస్తూ అభిమానులను సందడి చేస్తున్నారు.ఈ క్రమంలోనే వీరిద్దరూ స్కై డ్రైవింగ్ చేస్తూ సరదాగా కబుర్లు చెప్పుకున్నటువంటి వీడియోను షేర్ చేశారు. అలాగే డిన్నర్ కోసం ఒక హోటల్ కి వెళ్ళినప్పుడు నిహారిక మాత్రం డిన్నర్ చేయకుండా ఫోన్ లో లీనమైపోయింది. ఈ క్రమంలోనే చైతన్య సెల్ఫీ ఫోటో దిగి ఆ ఫోటో సోషల్ మీడియాలో షేర్ చేశారు.
ఎప్పుడు ఇదే పనే ప్రతిక్షణం సెల్ ఫోన్ లో బిజీగా ఉంటుంది అంటూ నిహారిక గురించి ఫిర్యాదు చేశారు.ఈ ఫోటో షేర్ చేసిన మరికాసేపటికి నిహారిక ఫోన్ చూస్తూ ఉన్నటువంటి మరొక ఫోటోను షేర్ చేస్తూ కొన్ని మిలియన్ క్షణాల తర్వాత అంటూ క్యాప్షన్ పెట్టారు. ప్రస్తుతం వీరి స్పెయిన్ వెకేషన్ కి సంబంధించిన ఫోటోలు సోషల్ మీడియాలో వైరల్ కావడంతో ఎంతో మంది అభిమానులు వీరికి ముందుగానే పెళ్లిరోజు శుభాకాంక్షలు తెలియజేస్తున్నారు.