Bigg Boss6: బిగ్ బాస్ సీజన్ సిక్స్ కోసం అన్ని ఏర్పాట్లు పూర్తి అయ్యాయని తెలుస్తోంది.ఇప్పటికే ఈ కార్యక్రమానికి సంబంధించిన ప్రోమో, లోగో అలాగే టెలికాస్ట్ డేట్ కూడా విడుదల చేశారు. మరి కొన్ని రోజులలో ఈ కార్యక్రమం ప్రేక్షకుల ముందుకు రాబోతోంది.ఇకపోతే ఇప్పటికే ఈ కార్యక్రమంలో పాల్గొనే కంటెస్టెంట్లు వీళ్లే అంటూ కొందరి పేర్లు పెద్ద ఎత్తున వినపడుతున్నాయి.
ఇప్పటికే ఈ కార్యక్రమంలో యాంకర్ ఉదయభాను, చైల్డ్ ఆర్టిస్ట్ సుదీప, బిగ్ బాస్ రివ్యూవర్స్ ఆదిరెడ్డి, గీతా రాయల్, సిరి ప్రియుడు శ్రీహాన్, శ్రీ సత్య దీపికా పిల్లి వంటి తదితరుల పేర్లు వినపడుతున్నాయి.ఎప్పటిలాగే సోషల్ మీడియాలోనూ అలాగే బుల్లితెర కార్యక్రమాల ద్వారా గుర్తింపు సంపాదించుకున్న వారితో పాటు ఈ సీజన్లో ఒక కామన్ మ్యాన్ ఎంట్రీ కూడా ఉండబోతుందని తెలుస్తోంది.
బిగ్ బాస్ కార్యక్రమంలోకి కంటెస్టెంట్ గా మరొక సింగర్ అవకాశం దక్కించుకున్నట్లు తెలుస్తోంది. బుల్లెట్ బండి సాంగ్ ద్వారా ఎంతో ఫేమస్ అయినటువంటి మోహన భోగరాజు బిగ్ బాస్ కార్యక్రమంలోకి ఎంట్రీ ఇవ్వనుందని సమాచారం. అయితే ఈమె నేరుగా ఈ కార్యక్రమం ప్రారంభమైన రోజే వెళ్లవచ్చు లేదంటే వైల్డ్ కార్డు ఎంట్రీ ద్వారా ఈ కార్యక్రమంలోకి అయినా అడుగు పెట్టబోతుందని వార్తలు షికార్లు చేస్తున్నాయి.
Bigg Boss6: బజ్ హోస్ట్ గా యాంకర్ శివ…
ఈ విధంగా సింగర్ మోహన భోగరాజు బిగ్ బాస్ సీజన్ 6 అవకాశాన్ని అందుకుందని సమాచారం.మరి ఈమె గురించి వస్తున్నటువంటి ఈ వార్తలలో ఎంతవరకు నిజం ఉందో తెలియాలంటే ఈ కార్యక్రమం ప్రసారమయ్యే వరకు వేచి చూడాలి.ఇకపోతే ఎప్పటిలాగే ఈ కార్యక్రమానికి యాంకర్ గా నాగార్జున వ్యవహరించగా బిగ్ బాస్ కార్యక్రమానికి శివ యాంకర్ గా వ్యవహరిస్తున్నట్లు తెలుస్తోంది.