దేశంలోని ఉద్యోగులు, వ్యాపారులలో చాలామంది పిల్లల చదువు, ఇతర అవసరాల దృష్ట్యా డబ్బులను పొదుపు చేయడానికి ఆసక్తి చూపిస్తున్నారు. స్టాక్ మార్కెట్లు, మ్యూచువల్ ఫండ్స్ లో రిస్క్ ఎక్కువ ఉంటుంది కాబట్టి తక్కువ వడ్డీ వచ్చినా ఎస్బీఐ, పోస్టాఫీస్ స్కీమ్ లలో పెట్టుబడులు పెట్టడానికి ఆసక్తి చూపుతున్నారు. అయితే ఎస్బీఐ, పోస్టాఫీస్ రికరింగ్ డిపాజిట్లలో ఏది బెస్ట్ అనే ప్రశ్నకు ఎస్బీఐ స్కీమ్ లు కొంతమందికి బెస్ట్ అనిపిస్తుంటే మరి కొంతమందికి పోస్టాఫీస్ స్కీమ్ లే బెస్ట్ అనిపిస్తున్నాయి.
టర్మ్ డిపాజిట్ల మాదిరిగా ఉండే రికరింగ్ డిపాజిట్లలో నెలకు కొంత మొత్తం చొప్పున డిపాజిట్ చేయాల్సి ఉంటుంది. వడ్డీ రేట్లను పరిశీలిస్తే పోస్టాఫీస్ రికరింగ్ డిపాజిట్ ఖాతాలో డబ్బులు డిపాజిట్ చేసిన వారికి 5.8 శాతం వడ్డీ లభిస్తోంది. ప్రతి 90 రోజులకు ఒకసారి వడ్డీ పోస్టాఫీస్ ఖాతాలో జమవుతుంది. అయితే ఎస్బీఐలో రికరింగ్ డిపాజిట్లకు 5.4 శాతం వరకు వడ్డీ లభిస్తుండగా సీనియర్ సిటిజన్లు 50 బేసిక్ పాయింట్ల ఎక్కువ వడ్డీని పొందే అవకాశం ఉంటుంది.
పోస్టాఫీస్ లో రికరింగ్ డిపాజిట్ ఖాతాలో డబ్బులు జమ చేయాలంటే నగదు ద్వారా మాత్రమే లావాదేవీలు జరపాల్సి ఉంటుంది. స్టేట్ బ్యాంక్ ఆఫ్ ఇండియాలో మాత్రం నగదుతో పాటు చెక్ ద్వారా కూడా డిపాజిట్ చేసే అవకాశం ఉంటుంది. పోస్టాఫీఫ్ లో రికరింగ్ డిపాజిట్ ఖాతాలకు మెచ్యూరిటీ కాలం ఐదు సంవత్సరాలుగా ఉండగా స్టేట్ బ్యాంక్ ఆఫ్ ఇండియాలో ఐదు నుంచి పది సంవత్సరాల కాలం ఉంటుంది.
పోస్టాఫీస్ లో 10 రూపాయలతో రికరింగ్ డిపాజిట్ ఖాతా తెరిచే అవకాశం ఉంటే ఎస్బీఐలో 100 రూపాయలతో రికరింగ్ డిపాజిట్ ఖాతా తెరిచే అవకాశం ఉంటుంది. ఎస్బీఐలో ఎంచుకునే టెన్యూర్ ప్రాతిపదికను బట్టి వడ్డీ రేట్లు మారితే పోస్టాఫీస్ లో కేంద్ర ప్రభుత్వం నిర్ణయాల ప్రకారం వడ్డీ రేట్లలో మార్పులు ఉంటాయి. ఎస్బీఐ, పోస్టాఫీస్ రికరింగ్ డిపాజిట్ స్కీమ్ లలో ఆదాయం, ఎంచుకునే కాలపరిమితి ఆధారంగా ప్రయోజనాలలో మార్పులు ఉంటాయి.
దేశంలో చాలామంది సొంతింటి కలను నెరవేర్చుకోవాలని భావిస్తున్నారు. అయితే పెరుగుతున్న ఖర్చుల వల్ల కొత్త ఇల్లును కొనుగోలు చేయడం అంత తేలిక కాదు. అయితే కేంద్రం మొదటిసారి ఇల్లు కొనుగోలు చేసేవాళ్లకు మాత్రం అదిరిపోయే శుభవార్త చెప్పింది. సెక్షన్ 80ఈఈ కింద ఆదాయపు పన్ను చట్టం కింద కొత్తగా ఇంటిని కొనుగోలు చేసేవాళ్లకు పన్ను మినహాయింపు ప్రయోజనాలను పొందే అవకాశం ఉంటుంది.
ఆదాయపు పన్ను చట్టం ద్వారా సెక్షన్ 24 ప్రకారం 2 లక్షల రూపాయల వరకు పన్ను మినహాయింపు ప్రయోజనాలను పొందే అవకాశం ఉన్న సంగతి తెలిసిందే. అయితే ఈ మినహాయింపుతో పాటు హోమ్ లోన్ పై చెల్లించే వడ్డీపై కూడా పన్ను మినహాయింపును పొందే అవకాశం ఉంటుంది. పూర్తిగా హోమ్ లోన్ చెల్లించే వరకు కూడా ఈ పన్ను మినహాయింపు ప్రయోజనాన్ని పొందవచ్చు. అయితే గరిష్టంగా లక్షన్నర రూపాయల వరకు మాత్రమే పన్ను మినహాయింపు పొందే అవకాశం ఉంటుంది.
ఇంటి విలువ 50 లక్షల రూపాయల లోపు ఉండటంతో పాటు ఇంటి కొరకు తీసుకున్న రుణం 35 లక్షల రూపాయల కంటే తక్కువగా ఉన్నవాళ్లు ఈ ప్రయోజనం పొందవచ్చు. హౌసింగ్ ఫైనాన్స్ కంపెనీ లేదా ఫైనాన్షియల్ ఇన్‌స్టిట్యూషన్ నుంచి ఇంటిని కొనుగోలు చేసిన వాళ్లు మాత్రమే ఈ ప్రయోజనాన్ని పొందవచ్చు. ఎవరైతే జాయింట్ లోన్ ను తీసుకుంటే ఇద్దరూ పన్ను మినహాయింపు ప్రయోజనాలను పొందవచ్చు.
ఈ రెండు ప్రయోజనాలతో పాటు కొత్తగా ఇల్లు కొనుగోలు చేసేవాళ్లు మరో బెనిఫిట్ కూడా పొందే అవకాశం ఉంటుంది. సెక్షన్ 80ఈఈ కింద ఈ స్కీమ్ ద్వారా 50 వేల రూపాయల వరకు ప్రయోజనం పొందే అవకాశం ఉంది. ఇంటి కొనుగోలుదారులు ఈ విధంగా పన్ను మినహాయింపు ప్రయోజనాలను పొందవచ్చు.
దేశీయ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా కస్టమర్లకు ప్రయోజనం చేకూర్చే విధంగా ఎన్నో స్కీమ్ లను అమలు చేస్తున్న సంగతి తెలిసిందే. ఎస్బీఐ అమలు చేస్తున్న స్కీమ్ లలో ఫ్లెక్సీ డిపాజిట్ స్కీమ్ కూడా ఒకటి. ఇతర స్కీమ్ లకు భిన్నంగా ఉండే ఈ స్కీమ్ ద్వారా అదిరిపోయే ప్రయోజనాలను పొందే అవకాశం ఉంటుంది. మనలో చాలామందికి స్థిరమైన ఆదాయం, ఖర్చులు ఉండవు.
ప్రతి నెలా ఒకే మొత్తం డబ్బులు డిపాజిట్ చేయడం అందరికీ సాధ్యం కాదు. అలాంటి వారికి ఎస్బీఐ ఫ్లెక్సీ డిపాజిట్ స్కీమ్ ద్వారా ప్రయోజనం చేకూరనుంది. ఈ స్కీమ్ లో నెలకు 500 రూపాయల నుంచి ఎంత మొత్తమైనా డిపాజిట్ చేయవచ్చు. సంవత్సరానికి గరిష్టంగా 50,000 రూపాయల వరకు ఈ స్కీమ్ లో డిపాజిట్ చేసే అవకాశం ఉంటుంది. ఎవరైనా ఫ్లెక్సీ డిపాజిట్ స్కీమ్ లో సమీపంలోని ఎస్బీఐ బ్యాంక్ బ్రాంచ్ ను సంప్రదించి సులభంగా చేరవచ్చు.
ఫిక్స్‌డ్ డిపాజిట్, రికరింగ్ డిపాజిట్ స్కీమ్ లతో పోలిస్తే ఫ్లెక్సీ డిపాజిట్ స్కీమ్ లో చేరితే ప్రయోజనకరంగా ఉంటుందని చెప్పవచ్చు. ఎప్పుడైనా డిపాజిట్ చేసే అవకాశం ఉండటంతో సామాన్య, మధ్యతరగతి వర్గాల ప్రజలకు ప్రయోజనం చేకూరుతుందని చెప్పవచ్చు. ఈ స్కీమ్ లో చేరితే ప్రస్తుతం 5.4 శాతం వడ్డీ లభిస్తుంది. ఐదేళ్లు లేదా ఏడేళ్లు ఈ స్కీమ్ లో చేరి డబ్బులను డిపాజిట్ చేయవచ్చు.
సాధారణంగా లభించే వడ్డీతో పోలిస్తే సీనియర్ సిటిజన్స్ కు ఎక్కువగా వడ్డీ వడ్డీ లభిస్తుంది. ఈ స్కీమ్ లో చేరిన వాళ్లు డిపాజిట్ చేసిన మొత్తంలో 90 శాతం వరకు రుణం పొందే అవకాశం ఉంటుంది. అత్యవసర సమయాల్లో రుణం తీసుకునే అవకాశం ఉండటంతో ఇతర స్కీమ్ లతో పోలిస్తే ఈ స్కీమ్ లో పెట్టుబడులు పెట్టడం ద్వారా ఎక్కువ ప్రయోజనాలను పొందవచ్చు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
