Hero Suman: టాలీవుడ్ హీరోగా ఇండస్ట్రీలో ఎంతో మంచి గుర్తింపు సంపాదించుకున్న సుమన్ ఇండియన్ ఆర్మీకి 117 ఎకరాల భూమిని విరాళంగా ప్రకటించినట్లు పెద్ద ఎత్తున వార్తలు సోషల్ మీడియాలో హల్ చల్ చేశాయి. ఈ క్రమంలోనే ఈ వార్తలు పెద్ద ఎత్తున రావడంతో ఎంతోమంది సుమన్ పై ప్రశంసల వర్షం కురిపించారు.

సుమన్ రియల్ హీరో అంటూ అతనిని ఆకాశానికి ఎత్తారు.ఇలా తన గురించి వస్తున్న ఈ వార్తలపై స్పందిస్తూ షాకింగ్ కామెంట్ చేశారు.తను ఇండియన్ ఆర్మీకి భూమిని విరాళంగా ప్రకటించినట్లు వస్తున్న వార్తల్లో ఏ మాత్రం నిజం లేదని… ఆ వార్తలు పూర్తిగా ఆ వాస్తవమేనని సుమన్ కొట్టిపారేశారు.

ఇండియన్ ఆర్మీకి నేను విరాళంగా ఇస్తానన్న భూమి వివాదం ప్రస్తుతం కోర్టులో ఉంది. వివాదంలో ఉన్న భూమిని ఎలా ఇవ్వగలము.ఇలా సోషల్ మీడియాలో తన గురించి వస్తున్న వార్తల్లో ఏమాత్రం నిజం లేదని ఆ వివాదం పరిష్కారం అయితే తప్పకుండా ఈ విషయాన్ని ప్రతి ఒక్కరికి తెలియజేస్తానని తెలిపారు.

28 సంవత్సరాల క్రితమే ప్రకటించిన సుమన్….

సుమన్ ఇండియన్ ఆర్మీకి భూమి విరాళంగా ఇస్తానని గత 28 సంవత్సరాల క్రితమే ప్రకటించారు. అయితే ఆ భూమికి సంబంధించిన వివాదం కోర్టులో ఉంది. అది పూర్తయిన వెంటనే ఆ భూమికి సంబంధించిన ఏ విషయాన్ని అయినా నేనే అధికారికంగా తెలియజేస్తానని ఈ సందర్భంగా సుమన్ వెల్లడించారు.