Lemon Tea: ఉదయం లేవగానే టీ తాగకపోతే చాలా మందికి రోజు గడవదు. టీ తాగడం వల్ల మెదడు ఆక్టివ్ గా పనిచేస్తుంది. ప్రస్తుతం అందరికీ ఆరోగ్యం పట్ల శ్రద్ధ పెరగడం వల్ల గ్రీన్ టీ , లెమన్ టీ , బ్లాక్ టీ వంటి వాటిని తీసుకోవడానికి ఎక్కువ ఆసక్తి చూపుతున్నారు.. ఆరోగ్యాన్ని కాపాడుకోవటానికి లెమన్ టీ ఎంతో ఉపయోగపడుతుంది. లెమన్ టీ వల్ల కలిగే ఆరోగ్య ప్రయోజనాలు ఏంటో చూద్దాం..

ప్రతిరోజు ఉదయం లెమన్ టీ తాగడం వల్ల ఆరోగ్యానికి చాలా మంచిది. నిమ్మరసంలో ఉండే సిట్రిక్ యాసిడ్ వలన శీతాకాలంలో వచ్చే జలుబు , దగ్గు , గొంతు నొప్పి వంటి వాటికి చెక్ పెట్టవచ్చు. లెమన్ టీ తయారుచేయటానికి నీటిని బాగా మరిగించి టీ పౌడర్ వేసి ఉడకనివ్వాలి.. తర్వాత అందులో నిమ్మరసం లేదా నిమ్మకాయ స్లైసెస్ వేసి బాగా మరిగించిన తర్వాత ఆ నీటిని తాగడం వల్ల జీర్ణక్రియ బాగా జరిగి కడుపు ఉబ్బరం , గ్యాస్ట్రిక్ సమస్యల నుండి విముక్తి పొందవచ్చు.

అధిక బరువు సమస్యతో బాధపడే వారు కూడా లెమన్ టీ తాగడం వల్ల వారి సమస్యను దూరం చేయవచ్చు. ప్రతిరోజు ఉదయం లెమన్ టీ తాగడం వల్ల ఆరోగ్యానికే కాదు అందానికి కూడా చాలా మంచిది. లెమన్ టీ చర్మ సమస్యలను దూరం చేయడమే కాకుండా చర్మం కాంతివంతంగా ఉండేలా చేస్తుంది.

గుండె సంబంధిత వ్యాధులకు చెక్ పెట్టవచ్చు:

నిమ్మరసంలో విటమిన్ సి , యాంటీ ఆక్సిడెంట్స్ ఎక్కువగా ఉండటం వల్ల అనారోగ్య సమస్యలకు చెక్ పెట్టవచ్చు. శీతాకాలంలో వచ్చే సీజనల్ వ్యాధుల నుండి కూడా రక్షణ పొందవచ్చు. ప్రతిరోజు ఉదయం లెమన్ టీ తాగడం వల్ల గుండె సంబంధిత వ్యాధులు రాకుండా నియంత్రించవచ్చు. ప్రతిరోజు క్రమం తప్పకుండా లెమన్ టీ తాగడం వల్ల అందం , ఆరోగ్యం రెండూ మీ సొంతం అవుతాయి