Actor Naresh: తెలుగు సినిమా ఇండస్ట్రీలో సీనియర్ నటుడు నరేష్ ఎన్నో సినిమాలలో నటించి ఎంతో మంచి గుర్తింపును సంపాదించుకున్నారు. ఇండస్ట్రీలో తనకంటూ మంచి గుర్తింపు సంపాదించుకున్న నరేష్ మూడవ భార్య పై గచ్చిబౌలి పోలీస్ స్టేషన్ లో కేసు నమోదు అయ్యింది.

నరేష్ గత కొన్ని సంవత్సరాల క్రితం ఏపీ మాజీ ముఖ్యమంత్రి రఘువీరా రెడ్డి సోదరుడి కుమార్తె రమ్య రఘుపతిని వివాహం చేసుకున్నారు.అయితే కొన్ని సంవత్సరాలపాటు ఎంతో అన్యోన్యంగా ఉన్న వీరు అనంతరం మనస్పర్థల కారణంగా విడాకులు తీసుకున్నారు.

వీరందరూ కలిసి ఉన్న సమయంలో రమ్య నరేష్ కుటుంబంతో దిగిన ఫోటోలను అడ్డుపెట్టుకొని కొందరి నుంచి అధిక వడ్డీలు వసూలు చేయడమే కాకుండా రిజిస్ట్రేషన్ పేరిట కోట్ల రూపాయలలో మోసానికి పాల్పడ్డారు. ఈ క్రమంలోనే కొందరు మహిళలు రమ్య పై గచ్చిబౌలి పోలీస్ స్టేషన్లో కేసు నమోదు చేశారు.

నాకు ఎలాంటి సంబంధం లేదు….

ఈ క్రమంలోనే నటుడు నరేష్ ఈ విషయంపై స్పందిస్తూ షాకింగ్ కామెంట్ చేశారు. గత కొన్ని సంవత్సరాల క్రితం ఆమేతో తాను విడాకులు తీసుకున్నానని తాను తీసుకున్న డబ్బులకు, తన అప్పుకు నాకు ఏ విధమైనటువంటి సంబంధం లేదని నరేష్ కొట్టిపారేశారు. ఈ విధంగా తన మాజీ భార్య గురించి నరేష్ చేసిన ఈ వ్యాఖ్యలు సోషల్ మీడియాలో వైరల్ గా మారాయి. అదేవిధంగా నరేష్ కుటుంబ సభ్యులతో కలిసి రమ్య దిగిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.