Puneeth raj Kumar: కన్నడ పవర్ స్టార్ దివంగత నటుడు పునీత్ రాజ్ కుమార్ గురించి ప్రత్యేకంగా చెప్పాల్సిన పనిలేదు.ప్రముఖ సినీ నటుడు రాజ్ కుమార్ వారసుడిగా ఇండస్ట్రీలోకి అడుగుపెట్టిన పునీత్ రాజ్ కుమార్ హీరోగా మాత్రమే కాకుండా మానవతావాదిగా ఎన్నో సహాయ సహకారాలు చేశారు.ఇలా ఎంతోమంది అభిమానులను సొంతం చేసుకున్న పునీత్ రాజ్ కుమార్ గత ఏడాది 29వ తేదీ గుండెపోటుతో ఆకస్మికంగా మరణించిన విషయం తెలిసిందే.

ఇలా ఈయన మరణ వార్తను ఇప్పటికీ అభిమానులు జీర్ణించుకోలేకపోతున్నారు. ఇక పునీత్ రాజ్ కుమార్ మరణించినప్పటికీ ఆయన నటించిన సినిమాలను విడుదల చేస్తూ అభిమానులను సందడి చేస్తున్నారు. ఇకపోతే పునీత్ రాజ్ కుమార్ కు కేవలం కన్నడ చిత్ర పరిశ్రమలో మాత్రమే కాకుండా తెలుగులో కూడా ఎంతోమంది అభిమానులు ఉన్నారు. ఈ క్రమంలోనే పునీత్ రాజ్ కుమార్ 2016 వ సంవత్సరంలో నటించిన
చక్ర వ్యూహ సినిమాని తెలుగులో సివిల్ ఇంజనీర్ అనే పేరుతో విడుదల చేయడానికి సిద్ధమయ్యారు.

ఈ క్రమంలోనే ఈ సినిమాకు సంబంధించిన టీజర్ దసరా కానుకగా విడుదల చేయగా ట్రైలర్ దీపావళి పండుగ సందర్భంగా విడుదల చేశారు. సమాజంలో బర్నింగ్ ఇష్యూ పై హీరో పోరాడి ఎలాంటి మార్పు తీసుకొచ్చారు అనే విషయంపై ఈ సినిమా సివిల్ ఇంజనీర్ గా ప్రేక్షకుల ముందుకు రానుంది. ఇక ఈ సినిమాలో యంగ్ టైగర్ ఎన్టీఆర్ ఒక పాటను పాడి ప్రేక్షకులను సందడి చేశారు. ఎన్టీఆర్ తల్లి గారిది కర్ణాటక కావడంతో చిన్నప్పటినుంచి కన్నడ ఎంతో స్పష్టంగా వచ్చిన ఎన్టీఆర్ ఈ సినిమాలో  ‘గెలయా గెలయా’ అనే సాంగ్ పాడాడు. 

Puneeth raj Kumar: పాట పాడిన ఎన్టీఆర్..

ఈ విధంగా ఎన్టీఆర్ ఈ పాట పాడటంతో ఒకవైపు కనడ ప్రేక్షకులు మాత్రమే కాకుండా తెలుగు ప్రేక్షకుల సైతం ఎంతో ఎంజాయ్ చేస్తున్నారు.ఇక ఈ సినిమా ట్రైలర్ అత్యంత అందరిని ఎంతగానో ఆకట్టుకుంది. ఈ ట్రైలర్ చూసినటువంటి ఎంతోమంది పునీత్ ఫ్యాన్స్ తారక్ ఫ్యాన్స్ ఎమోషనల్ అవుతున్నారు. త్వరలోనే ఈ సినిమా విడుదల తేదీని ప్రకటించనున్నారు.