దేశంలో ఎటు చూసినా హత్యలు, అత్యాచారాలే కనపడున్నాయి. అన్యోన్యంగా ఉండాల్సిన దంపతులు మధ్య కూడా వివాహేతర సంబంధాల వల్ల వాళ్లను నమ్ముకున్న వారు రోడ్డున పడాల్సిన పరిస్థితులు వస్తున్నాయి. తాజాగా ఓ ఘటన వింటే.. వేడెవడండి బాబు అంటూ ముక్కున వేలేసుకుంటారు. భార్య కాపురానికి రావడం లేదని కోపంతో భార్య ముక్కు కొరికాడు.

ఈ మధ్య మరో ఘటనలో భార్య స్నానం చేయలేదని విడాకులు అడిగాడట. ఇటువంటి చిన్న చిన్న కారణాలతో నిండు జీవితాలను నాశనం చేసుకుంటున్నారు. ఈ ఘటన మధ్యప్రదేశ్‌ రత్లాం జిల్లాలో చోటుచేసుకుంది. ఈ ఘటనకు సంబంధించి వివరాల్లోకి వెళ్తే.. మధ్యప్రదేశ్‌ రత్లాం జిల్లాలో ఓ గ్రామంలో దినేశ్, టీనాలకు 2008లో వివాహం అయింది.

అప్పటి నుంచి వారు ఎంతో అన్యోన్యంగా కాపురం చేసుకుంటూ ఉన్నారు. వాళ్లకు ఇద్దరు కుమార్తెలు ఉన్నారు. కొన్ని రోజుల నుంచి అతడు మద్యానికి అలవాటు పడ్డాడు. అప్పటి నుంచి అతడు భార్యను వేధింపులకు గురిచేయడం మొదలు పెట్టాడు. ఇలా వేధింపులకు గురిచేయడంతో తట్టుకోలేక ఆమె తన పుట్టింటికి వెల్లిపోయింది. అక్కడ వంట పని చేసుకుంటూ ఉండగా.. 2019లో ఆమె తన భర్త నుంచి మెయింటెన్స్ కోరుతూ కోర్టులో కేసు దాఖలు చేసిది.

దినేశ్ ఇటీవల భార్య తల్లిదండ్రుల ఇంటికి వెళ్లి భార్యాబిడ్డల నిర్వహణ విషయంపై చర్చించగా, భార్యాభర్తల మధ్య తీవ్ర వాగ్వాదం జరిగింది. కోపంతో, దినేశ్ తన కుమార్తెల ముందే.. టీనాపై దాడి చేసి ఆమె ముక్కును కొరికేసి అక్కడ నుంచి పారిపోయాడు. టీనాకు తీవ్ర రక్త స్రావం కావడంతో ఇరుగుపొరుగు ఆమెను ఆసుపత్రికి తరలించారు. ప్రస్తుతం ఆమె పరిస్థితి నిలకడగా ఉందని వైద్యులు తెలిపారు. పోలీసులు అతడిపై కేసు నమోదు చేశారు.