Sai Pallavi: నేచురల్ బ్యూటీ సాయి పల్లవి ఎలాంటి వివాదాస్పద వ్యాఖ్యలు చేయకుండా తన పని తాను చూసుకుంటూ ఇండస్ట్రీలో అతి తక్కువ సమయంలోనే అగ్ర తారగా పేరు సంపాదించుకున్నారు.ఈ విధంగా ఇండస్ట్రీలో అగ్ర తారగా గుర్తింపు పొందిన సాయిపల్లవి తాజాగా ఒక వివాదంలో చిక్కుకున్నారు.ఈమె నటించిన విరాట పర్వం సినిమా విడుదలకు సిద్ధమవుతున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాల్లో పాల్గొన్నారు.
ఈ క్రమంలోనే ఒక ఇంటర్వ్యూలో పాల్గొన్న సాయిపల్లవి కాశ్మీర్ ఫైల్స్ సినిమా గురించి మాట్లాడుతూ కశ్మీర్ పండిట్ల హత్య, గో హత్యల పై సంచలన వ్యాఖ్యలు చేశారు. ఈ సందర్భంగా ఆమె మాట్లాడుతూ.. కాశ్మీర్ ఫైల్స్ చిత్రంలో కశ్మీర్ పండిట్లను ఎలా హత్య చేశారో చూపించారు. మనం దానిని మతఘర్షణలు చూస్తే ఎలా?మొన్నటికి మొన్న ఒక బండిలో ఆవును తీసుకొని ఒక ముస్లిం వ్యక్తి వెళ్తుంటే తనని కొంతమంది కొట్టి చంపి జైశ్రీరామ్ అన్నారు.
ఇక అప్పట్లో జరిగిన దానికి ప్రస్తుత జరిగిన దానికి పెద్ద తేడా లేదు.ఇక్కడ సమస్య వస్తున్నది మతాల వల్ల కాదు మనం మంచితనంగా ఉంటే ఎలాంటి సమస్యలు రావని ఈమె కాశ్మీర్ ఫైల్స్ ఘటన గురించి మాట్లాడారు.ఈ క్రమంలోనే సాయి పల్లవి చేసిన ఈ వ్యాఖ్యలు సోషల్ మీడియాలో వైరల్ గా మారడం కొంతమంది తనకు మద్దతు తెలపగా మరికొంతమంది తన వ్యాఖ్యలను పూర్తిగా ఖండిస్తూ క్షమాపణలు చెప్పాలని డిమాండ్ చేశారు.
సాయి పల్లవి వ్యాఖ్యలు విరాటపర్వం పై ప్రభావం చూపనున్నాయా…
అలాగే సాయిపల్లవి నటించిన విరాటపర్వం సినిమా చూసేది లేదంటూ మరికొందరు కామెంట్లు చేస్తున్నారు.ఈ విధంగా సాయి పల్లవి విరాటపర్వం సినిమా విడుదలకు ముందు ఈ విధమైనటువంటి వివాదాస్పద వ్యాఖ్యలు చేస్తూ సినిమాను పూర్తిగా ఇబ్బందులలోకి నెట్టేశారని తెలుస్తోంది. మొత్తానికి సాయి పల్లవి చేసిన ఈ కామెంట్స్ వైరల్ అవుతున్నాయి.