Sandhya Raju: నాట్యం సినిమా ద్వారా తెలుగు ప్రేక్షకులకు పరిచయమైన కూచిపూడి నాట్యకారిణిని సంధ్య రాజు గురించి అందరికీ తెలిసిందే. క్లాసికల్ డాన్సర్ గా అందరికీ సుపరిచితమైన సంధ్య రాజు ఇండస్ట్రీలో కాస్ట్యూమ్ డిజైనర్ గా కూడా పని చేశారు. అందరికీ ఎంతో సుపరిచితమైన సత్యం లింగరాజు రెండవ కోడలే సంధ్యా రాజు.కూచిపూడి నాట్య కళాకారిణిగా ఎంతో పేరు ప్రఖ్యాతలు సంపాదించుకొని నాట్యం సినిమా ద్వారా తెలుగు తెరకు పరిచయమయ్యారు.
నాట్యం సినిమాతో తన అద్భుతమైన నాట్య ప్రదర్శనల ద్వారా ఎంతో మందిని మంత్రముగ్ధుల్ని చేసి సంధ్య రాజు ఉమెన్స్ డే సందర్భంగా ప్రముఖ రచయిత ఆస్కార్ అవార్డ్ గ్రహీత ఏంజిలో రాసిన ఇంగ్లీష్ పద్యం ఫినామినల్ ఉమెన్ అనే పద్యానికి సంధ్య రాజు మోడ్రన్ క్లాసికల్ ఫర్ఫార్మెన్స్ చేశారు. ఇక ఈ డాన్స్ వీడియోని సోషల్ మీడియాలో షేర్ చేయడంతో ఈ వీడియో కాస్త వైరల్ గా మారింది.
సంధ్య రాజుపై ఏఆర్ రెహ్మాన్ ప్రశంసలు..
అద్భుతమైన క్లాసికల్ ఫర్ఫార్మెన్స్ పై ఎంతో మంది నెటిజన్లు తమదైన శైలిలో ప్రశంసలు కురిపిస్తూ కామెంట్లు చేస్తున్నారు. ఇక ఈ వీడియో షేర్ చేసినప్పటి నుంచి ఇప్పటి వరకు సుమారుగా మూడు లక్షల వ్యూస్ సాధించుకుని అందరిచేత ప్రశంసలు అందుకుంది. ఇకపోతే ఈ అద్భుతమైన క్లాసికల్ డాన్స్ ఫర్ఫార్మెన్స్ పై ప్రముఖ సంగీత దర్శకుడు ఎ.ఆర్.రెహమాన్ స్పందించారు. ఈ సందర్భంగా ఈ డాన్స్ వీడియోని రెహమాన్ తన ట్విటర్ ఖాతా ద్వారా షేర్ చేస్తూ… నటి సంధ్య క్లాసికల్ డాన్స్ పర్ఫార్మెన్స్ పై ప్రశంసలు కురిపించారు. ఇలా ఒక తెలుగు అమ్మాయి తన నాట్యంతో జాతీయస్థాయిలో గుర్తింపు పొందటం ఎంతో గర్వించదగ్గ విషయం.
