Murali Mohan: మురళీమోహన్ తెలుగు చిత్ర పరిశ్రమంలో సీనియర్ నటుడుగా ఎంతో పేరు ప్రఖ్యాతలు సంపాదించుకున్నటువంటి ఈయన ఇప్పటికీ పలు సినిమాలలో కీలక పాత్రలలో నటిస్తే సందడి చేస్తున్నారు. అయితే ఈయన హీరోగా ఎన్నో సినిమాలలో నటించారు.కేవలం హీరోగా మాత్రమే కాకుండా పలు సినిమాలలో సహాయ నటుడి పాత్రలలో నటించారు అలాగే నిర్మాతగా కూడా వ్యవహరించారు.

ఇలా సినిమా ఇండస్ట్రీలో ఎంతో మంచి గుర్తింపు సంపాదించుకున్న ఈ హీరో అనంతరం రాజకీయాలలోకి వచ్చి కొంతకాలం పాటు సినిమాలకు దూరంగా ఉన్నారు. అయితే తనకు సినిమాలే కరెక్ట్ అని భావించిన మురళీమోహన్ ఇప్పటికీ సినిమాలలో కొనసాగుతున్నారని ఇకపై తాను ఇండస్ట్రీలోనే కొనసాగుతానంటూ తాజాగా ఒక ఇంటర్వ్యూలో తెలియజేశారు.

ఇక ఈ ఇంటర్వ్యూ సందర్భంగా మురళీమోహన్ ఒక ఆసక్తికరమైన విషయాన్ని తెలియజేశారు.ఇండస్ట్రీలో తనను అందరూ శ్రీరామచంద్రుడు అని భావించేవారు. ఇక ఇదే విషయాన్ని అక్కినేని నాగేశ్వరరావు గారు ఇండస్ట్రీలో మీరు మాత్రమే శ్రీరామచంద్రుడు అంటూ తనకు సర్టిఫికెట్ కూడా ఇచ్చారని తెలిపారు.తన గురించి ఇండస్ట్రీలో ఇలాంటి అభిప్రాయం ఉండడంతో శ్రీదేవి తల్లిగారు ఏకంగా తనకు అల్లుడుగా చేసుకోవాలని భావించారని ఈయన తెలిపారు.

Murali Mohan: అమ్మాయి సంతోషంగా ఉంటుందని…

ఆమె తనని చూసి చాలా మంచివాడు గుణవంతుడుగా ఉన్నారని ఇలాంటి అబ్బాయికి తన కూతురిని ఇచ్చి పెళ్లి చేస్తే తన కూతురు చాలా సంతోషంగా ఉంటుందని భావించి ఏకంగా శ్రీదేవితో నాకు పెళ్లి చేయాలని చూశారు అంటూ ఈ సందర్భంగా మురళీమోహన్ చేసినటువంటి కామెంట్స్ సోషల్ మీడియాలో వైరల్ అవుతున్నాయి.