Himaja: తెలుగు బుల్లితెరపై పలు సీరియల్స్ లో నటించి మంచి గుర్తింపు సంపాదించుకున్న బుల్లితెర నటి హిమజ ఇదే పాపులారిటీతో బిగ్ బాస్ అవకాశాన్ని అందుకున్నారు. బిగ్ బాస్ ద్వారా మరింత క్రేజ్ సంపాదించుకున్న ఈమె ప్రస్తుతం వరుస సినిమాలు, టీవీ షోలు, యూట్యూబ్ ఛానల్ ద్వారా కెరియర్ లో ఎంతో బిజీగా గడుపుతున్నారు. ఇలా కెరియర్ పరంగా ఎంతో బిజీగా ఉన్న హిమజ సోషల్ మీడియాలో కూడా ఎంతో యాక్టివ్ గా ఉంటారు.
ఈ క్రమంలోనే సోషల్ మీడియా వేదికగా ఎన్నో పోస్టులు చేస్తూ నిత్యం అభిమానులను సందడి చేసే ఈమె తాజాగా సోషల్ మీడియా వేదికగా అభిమానులతో సరదాగా ముచ్చటించారు. ఈ క్రమంలోనే ఆస్క్ మీ సెషన్ ద్వారా అభిమానుల ముందుకు వచ్చిన హిమజ గురించి నేటిజన్స్ ఎన్నో రకాల ప్రశ్నలు వేశారు. ఈ సందర్భంగా హిమజ వాటికి తనదైన శైలిలో సమాధానం చెప్పారు.
ఈ క్రమంలోనే ఓ నెటిజన్ ఏకంగా తన పెళ్లి గురించి ప్రస్తావన తీసుకువచ్చారు. ఈ సందర్భంగా ఓ నెటిజన్ ప్రశ్నిస్తూ..హిమజక్కా పెళ్లెప్పుడు? పెళ్లి గురించి ఏమైనా ప్లానింగ్ చేస్తున్నారా? అంటూ ప్రశ్నించారు. నేటిజన్ ఇలా తన పెళ్లి గురించి అడగడంతో హిమజ స్పందిస్తూ తనకు పెళ్లి చేసుకోవాలని ఇంట్రెస్ట్ లేదని సమాధానం ఇచ్చారు. ప్రస్తుతం తనకు పీస్ ఆఫ్ మైండ్, ఫ్రీడమ్ కావాలని కోరుకుంటున్నానని అందుకే పెళ్లి ఆలోచనలు లేవు అంటూ ఈమె వెల్లడించారు.
నా ప్రమేయం లేకుండా నా పెళ్లి చేస్తారా…
ఈ సందర్భంగా హిమజ పెళ్లి గురించి ఈ సమాధానం చెప్పడంతో చాలామంది స్పందిస్తూ పెళ్లి చేసుకున్న తర్వాత ఇప్పుడున్న ఫ్రీడమ్ ఉండదు, అందుకే తనకు చాలా స్వేచ్ఛగా ఉండాలని కోరుకుంటుందేమో అని కామెంట్లు చేస్తున్నారు. అయితే గతంలో హిమజ రహస్యంగా పెళ్లి చేసుకుందని తన విడాకులు కూడా తీసుకుందని వార్తలు రావడంతో ఈ వార్తలు పై స్పందించిన హిమజ నా ప్రమేయం లేకుండా నా పెళ్లి మీరే చేస్తారు విడాకులు కూడా మీరే ఇస్తారా అంటూ పెద్ద ఎత్తున ఆగ్రహం వ్యక్తం చేశారు.