ప్రతీ స్త్రీకి అమ్మతనం అనేది దేవుడు ఇచ్చే వరం. తల్లిగా తనను తాను పిలిపించుకోవాలని అనుకుంటుంది ఏ మహిళ అయినా. అయితే గర్భం దాల్చిన దగ్గర నుంచి కడుపులో పెరుగుతున్న బిడ్డ డెలివరీ అయ్యే వరకు ఆ తల్లి పడే బాధ మామూలుగా ఉండదు.

అయితే అలాంటి బాధ ఎలా ఉంటుందో తెలుసుకోవాలనకున్నాడో ఓ టిక్ టాకర్. దానికి అనుగుణంగానే తనను తాను ఓ గర్భం దాల్చిన మహిళగా మార్చేసుకున్నాడు. మెయిట్ ల్యాండ్ హాన్లీ అనే ఒక ప్రముఖ టిక్‌టాకర్ తన పొట్టకు ఓ పుచ్చకాయని కట్టుకున్నాడు. అచ్చం గర్భిణి దాల్చిన మహిళ ఎలా ఉంటుందో అలా మార్చుకున్నాడు. తన చెస్ట్ దగ్గర కూడా రెండు వైపులా పుచ్చకాయలను అమర్చుకున్నాడు.

రోజంతా ఇలా ఉండాలని అతడు వీడియో తీసుకున్నాడు. కానీ అతడు కొన్ని గంటలు కూడా ఉండలేకపోయాడు. బెడ్ పై పడుకున్న అతడు లేవడానికి కూడా ఇబ్బంది పడ్డాడు. అంతే కాకుండా బాత్రూంకి వెళ్లడం.. షూస్ ధరించడం వంటివి అభినయించాడు కానీ ప్రతి ప్రయత్నంలోనూ చాలా ఇబ్బంది పడ్డాడు. దీంతో అతడికి గర్భిణీల బాధను భరించడం అంత సులువైన పనికాదని అర్థమైంది.

ఈ వీడియోను సోషల్ మీడియాలో పోస్ట్ చేయగా క్షణాల్లో వైరల్ గా మారింది. ఇది చూసిన ప్రతీ ఒక్కరు తమ సోషల్ మీడియా అకౌంట్లలో షేర్ చేస్తున్నారు. ఒక గర్బిణి ప్రసవ వేదన ఇంత కష్టంగా ఉంటుందా.. అంటూ వీడియో చూసిన నెటిజన్లు కామెంట్లు పెడుతున్నారు.