జబర్దస్త్ కామెడీ హైపర్ ఆది గురించి ప్రత్యేకంగా చెప్పనక్కర్లేదు. ఈయన తనదైన శైలిలో పంచులు వేస్తూ ప్రేక్షకులను కడుపుబ్బా నవ్విస్తూ ఉంటారు. హైపర్ ఆది వేసే పంచ్ డైలాగ్స్ కు ఎవరైనా సరే కడుపుబ్బ నవ్వాల్సిందే.అలాంటి హైపర్ ఆదిని ఓ ఆట ఆడుకుంది సినీ నటి, హీరోయిన్ ప్రియమణి. ఓవైపు హాట్ కామెంట్ చేస్తూనే మరోవైపు ఆది గాలి తీసేసింది. అంతే కాదు ఈ అంశంలోకి రోజా, ఇంద్రజలను కూడా లాగేసింది ప్రియమణి.
అసలు విషయం ఏంటంటే.. దీపావళి పండగ సందర్బంగా మల్లెమాల సంస్థ ఒక ప్రత్యేక ఈవెంట్ చేసింది.ఈ ప్రోగ్రామ్ కోసం జబర్దస్త్ కంటెస్టెంట్స్ అందరితో స్కిట్స్ చేయించారు నిర్వాహకులు. తగ్గేదే లే అని ఈ స్పెషల్ ప్రోగ్రామ్ కు పేరు కూడా పెట్టారు. తాజాగా ఈ కార్యక్రమానికి సంబందించిన ప్రోమో విడుదల చేయగా అందులో జబర్దస్త్ జడ్జ్ రోజా, ఇంద్రజ, ప్రియమణి సందడి చేశారు.
ఈ ముగ్గురు డ్యాన్స్ లతో హోరెత్తించారు. ఈ క్రమంలో హైపర్ ఆదితో రోజా, ఇంద్రజ, ప్రియమణి వేసిన ఓ స్కిట్ అందరిని ఆకట్టుకునేలా ఉంది.ఈ స్పెషల్ ప్రోగ్రామ్ లోని స్కిట్ లో సినిమా డైరెక్టర్ అవతారమెత్తిన హైపర్ ఆది ఐదుగురు హీరోయిన్లతో సినిమా ప్లాన్ చేస్తాడు. ప్రియమణి ఎంట్రీ ఇవ్వగానే తనలోని రొమాంటిక్ యాంగిల్ బయట పెట్టిన హైపర్ ఆది, సెట్లోకి రాగానే డైరెక్టర్ గారికి ఓ హగ్ ఇచ్చే ఆ రెస్పెక్ట్ తెలియదా మీకు అని చిరు కోపం ప్రదర్శించాడు.
ఆది అలా అడిగే సరికి మొహం అదోలా పెట్టిన ప్రియమణి, అదిరిపోయే పంచ్ డైలాగ్ విసిరింది. రోజా, ఇంద్రజలను ఉద్దేశిస్తూ ఆల్రెడీ మా అమ్మ క్యారెక్టర్, అత్త క్యారెక్టర్ సెలెక్ట్ చేసుకున్నారా అని ఆదిని అడిగింది. ప్రియమణి అలా అడిగే సరికి రోజా, ఇంద్రజ ఒక్కసారిగా షాకైపోయారు. వాళ్లిద్దరు కూడా హీరోయిన్సే అని హైపర్ ఆది చెప్పడంతో, ముందే చెప్పలేదు కదరా బొకడా అని ప్రియమణి కామెంట్ చేసింది. ఇంకేముంది ప్రియమణి అంత మాట అనేసరికి ఆదితో సహా అంతా అవాక్కయ్యారు.