Anchor Suma: బుల్లితెర యాంకర్ గా ఎంతో పేరు ప్రఖ్యాతలు సంపాదించుకున్న యాంకర్ సుమ గురించి ప్రత్యేకంగా చెప్పాల్సిన పనిలేదు.ఒకప్పుడు ప్రతి ఒక్క ఛానల్ లోనూ ఏదో ఒక కార్యక్రమం ద్వారా బుల్లితెర ప్రేక్షకులను సందడి చేస్తున్నటువంటి ఈమె ఈ మధ్యకాలంలో బుల్లితెర కార్యక్రమాలను కాస్త తగ్గించిందని చెప్పాలి.

ఇలా బుల్లితెర కార్యక్రమాలను తగ్గించిన సుమ సినిమా ఈవెంట్లతో ఎంతో బిజీగా గడుపుతున్నారు. ఏదైనా సినిమా ఫ్రీ రిలీజ్ ఈవెంట్, సక్సెస్ మీట్, అలాగే ప్రత్యేకంగా ఇంటర్వ్యూలు చేయాలి అంటే తప్పకుండా అక్కడ సుమ ఉండాల్సిందే. ఇలా సుమ వరుస సినిమా ఈవెంట్లతో ఎంతో బిజీగా గడుపుతున్నారు. అయితే ఈమె కెరియర్ మొదట్లో బుల్లితెర సీరియల్స్ లో నటించి అనంతరం యాంకర్ గా స్థిరపడ్డారు.

ఈ విధంగా సుమ యాంకర్ గా కొనసాగుతూ పలు సినిమాలలో క్యారెక్టర్ ఆర్టిస్ట్ గా నటించిన ఈమె గత ఏడాది జయమ్మ పంచాయతీ సినిమా ద్వారా ప్రధాన పాత్రలో నటించి పేక్షకుల ముందుకు వచ్చారు.అయితే ఈ సినిమా పెద్దగా ప్రేక్షకులను ఆకట్టుకోలేకపోయింది. అయితే ఈ విషయం గురించి సుమ తాజాగా నిట్ ఇంజనీరింగ్ ఫెస్ట్ లో పాల్గొని విద్యార్థులతో మాట్లాడుతూ పలు విషయాలను తెలియచేశారు.

Anchor Suma:యాంకరింగ్ అంటే ఇష్టం…

తనకు యాంకరింగ్ అంటేనే చాలా ఇష్టమని యాక్టింగ్ తనకు పెద్దగా కలిసి రాలేదని తెలియజేశారు. సుమ ఇలా చెప్పడంతో ఇకపై ఈమె బిగ్ స్క్రీన్ పై కనిపించదేమో ఇలా యాక్టింగ్ కు రిటైర్మెంట్ ప్రకటించారా అంటూ పెద్ద ఎత్తున అభిమానులు సందేహాలను వ్యక్తం చేస్తున్నారు.ఇలా యాక్టింగ్ తనకు కలిసి రాలేదని యాంకరింగ్ ఇష్టం అని చెప్పడంతో ఇకపై వెండితెరపై కాకుండా కేవలం బుల్లితెరపై మాత్రమే ప్రేక్షకులను సందడి చేయబోతున్నారంటూ పలువురు భావిస్తున్నారు.