Anjana Devi: టాలివుడ్ ఇండస్ట్రీలో మెగా కుటుంబానికి ఉన్న పేరు ప్రఖ్యాతలు గురించి ప్రత్యేకంగా పరిచయం చేయాల్సిన అవసరం లేదు. ఎవరి సపోర్ట్ లేకుండా ఇండస్ట్రీలో అడుగుపెట్టిన చిరంజీవి హీరోగా అంచలంచెలుగా ఎదుగుతూ మెగా సామ్రాజ్యాన్ని స్థాపించాడు. ఈ మెగా కుటుంబం నుండి వచ్చిన ఎంతోమంది ఇప్పుడు ఇండస్ట్రీలో హీరోలుగా రాణిస్తున్నారు.

ఇలా ఇండస్ట్రీలోకి ఎంతమంది హీరోలు వచ్చినా కూడా టాలీవుడ్ నంబర్ వన్ హీరోగా చిరంజీవిని దాటలేకపోతున్నారు. చిరంజీవి ఈ స్థాయికి చేరటానికి ఆయన తల్లి అంజనా దేవి కూడా ఒక కారణం. కొడుకుకి అన్ని వేళల్లో అండగా నిలిచింది. ఇదిలా ఉండగా మెగా కుటుంబంలో ఎంతో మంది హీరోలు ఉన్నారు. చిరంజీవి, రామ్ చరణ్, సాయి ధరమ్ తేజ్, వైష్ణవ్ తేజ్, వరుణ్ తేజ్ , పవన్ కళ్యాణ్ ఇలా ఇంతమంది హీరోలు ఇండస్ట్రీలో స్టార్ హీరోలుగా రాణిస్తున్నారు.

ఇలా మెగా కాంపౌండ్ నుంచి ఇంతమంది హీరోలు ఇండస్ట్రీలోకి వచ్చినప్పటికీ చిరంజీవి తల్లి అంజనా దేవి గారికి మెగా హీరోలు కాకుండా అక్కినేని కుటుంబానికి చెందిన హీరో అంటే చాలా ఇష్టమట. సీనియర్ హీరో అక్కినేని నాగేశ్వరరావు అంటే అంజన దేవికి చాలా ఇష్టం. ఒకప్పుడు అక్కినేని గారు ఎక్కువగా ప్రేమ కథ చిత్రాలలోనే నటించి అమ్మాయిల మనసులను దోచుకుని అమ్మాయిల కలల రాకుమారుడుగా గుర్తింపు పొందాడు.

Anjana Devi: అక్కినేని హీరో అంటే ఇష్టం…

ఆ కాలంలో నాగేశ్వర రావుకి లేడీ ఫ్యాన్ ఫాలోయింగ్ కూడా ఎక్కువగా ఉండేది. ఇక అంజనదేవి గారు చిన్ననాటి నుండి అక్కినేని నాగేశ్వరరావు గారు అంటే చాలా ఇష్టమని తెలుస్తోంది. ఇక అంజనా దేవి కోడలు సురేఖతో కూడా ఎంతో ఆప్యాయంగా ఉంటుంది. ఇప్పటికీ ఈ అత్త కోడళ్ళు యువతరానికి ఆదర్శంగా నిలుస్తున్నారు.