బిగ్ బాస్ కార్యక్రమం 12 వారాలు పూర్తి చేసుకొని ఎవరు ఊహించని విధంగా ఈ వారం బిగ్ బాస్ హౌస్ నుంచి రవిని ఎలిమినేట్ చేస్తూ అందరికి షాక్ ఇచ్చారు. ఇకపోతే ముందుగానే సోషల్ మీడియాలో 12వ వారం రవి ఎలిమినేట్ అవుతారు అంటూ పెద్ద ఎత్తున వార్తలు వచ్చాయి. ఈ వార్తలపై రవి ఫ్యాన్స్ తీవ్రస్థాయిలో మండిపడ్డారు.
బిగ్ బాస్ హౌస్ లో టాస్క్ ల విషయంలో ఎంతో ఎనర్జిటిక్ గా టాస్క్ లను పూర్తి చేస్తూ ఉన్నటువంటి రవి టాప్ త్రీ కంటెస్టెంట్ గా నిలుస్తారని ప్రతి ఒక్క ప్రేక్షకులు భావించారు. అలాంటి టాప్ త్రీ కంటెస్టెంట్ ఉన్నఫలంగా ఎలిమినేట్ కావడంతో రవి ఫ్యాన్స్ జీర్ణించుకోలేకపోతున్నారు.ఈ క్రమంలోనే బయట ఎంతో ఫ్యాన్ ఫాలోయింగ్ ఉన్న రవికి ఓట్లు తక్కువ పడ్డాయి అంటే నమ్మశక్యంగా లేదని వాదిస్తున్నారు.
మొట్టమొదటిసారిగా బిగ్ బాస్ హౌస్ లో ఫేక్ ఎలిమినేషన్ జరిగిందని రవి ఎలిమినేషన్ వెనుక పెద్ద కుట్ర జరిగిందని అభిమానులు ఆరోపిస్తున్నారు. ఎలిమినేషన్ వెనుక ఎలాంటి కుట్ర లేకపోతే రవికి వచ్చిన ఓట్లు చూపించాలని డిమాండ్ చేస్తున్నారు.
రవి హౌస్ లో ఉన్నటువంటి సిరి, కాజల్, ప్రియాంక కన్నా ఎంతో అద్భుతంగా ఆడతారని అలాంటిది వారు సేఫ్ అయ్యి రవి ఎలిమినేషన్ కావడం ఏంటి అంటూ మండిపడుతున్నారు.కావాలనే లేడీ కంటెస్టెంట్ లను సేవ్ చేస్తూ రవిని బయటకు పంపారని, రవి లేని బిగ్ బాస్ కార్యక్రమం మేము చూడము అంటూ అభిమానులు డిమాండ్ చేస్తున్నారు.