Bramhaji: పాన్ ఇండియా స్టార్ హీరో ప్రభాస్ నటించిన కల్కి సినిమా ఇటీవల ప్రేక్షకుల ముందుకు వచ్చి ఎంతో మంచి సక్సెస్ అందుకుంది. ఈ సినిమా మంచి సక్సెస్ కావడంతో ప్రభాస్ అభిమానులు ఎంతో సంతోషం వ్యక్తం చేస్తున్నారు. ఇకపోతే ఈ సినిమా చూసిన సెలెబ్రెటీలు అందరూ కూడా ఈ సినిమాపై ప్రశంసల వర్షం కురిపిస్తూ సోషల్ మీడియాలో పోస్టులు చేస్తున్నారు.
ఈ క్రమంలోనే ఇండస్ట్రీలో సపోర్టింగ్ పాత్రలలో, కమెడియన్ గా, విలన్ పాత్రలలో నటిస్తూ ఎంతో మంచి గుర్తింపు సంపాదించుకున్నారు.నటుడు బ్రహ్మజీ. అయితే ఈయన కూడా ఇటీవల కల్కి సినిమా చూశారని తెలుస్తుంది..ఈ సినిమా చూసిన అనంతరం సోషల్ మీడియా వేదికగా బ్రహ్మాజీ చేసిన పోస్ట్ వైరల్ అవుతుంది.
తెలుగు సినిమా అనుకుంటే వరల్డ్ సినిమా తీశారు.. నాగ్ అశ్విన్ గారు మీ అరిగిపోయిన చెప్పులు ఇస్తే ముద్దు పెట్టుకొంటాను. థాంక్యూ ప్రియాంక దత్, స్వప్న దత్. మీ రిస్కులే మీకు శ్రీరామరక్ష అంటూ ఈయన చేసిన పోస్ట్ వైరల్ అవుతుంది. అయితే నాగ్ అశ్విని సినిమా కోసం ఎంతో కష్టపడ్డానని ఈ సినిమా విడుదలైన రోజు ఈయన తన చెప్పులను సోషల్ మీడియాలో పోస్ట్ చేసిన సంగతి తెలిసిందే.
మీ రిస్కులే.. మీకు శ్రీరామరక్ష…
ఈ సినిమా కోసం తాను కాళ్లకు చెప్పులు అరిగిపోయేలా తిరుగుతూ కష్టపడ్డానని ఈయన వెల్లడించారు. అయితే ఈ సినిమా మంచి సక్సెస్ కావడంతో బ్రహ్మాజీ ఆ చెప్పులను తనికిస్తే ముద్దు పెట్టుకుంటానంటూ చేసిన ఈ పోస్ట్ సంచలనంగా మారింది.